सांगलीतील साखर व्यापाऱ्यावर आयकर विभागाची धाड

सांगली - शहरातील एका साखर व्यापाऱ्यावर काल आयकर विभागाने (Income tax Department) धाड टाकली. या धाडीत आयकर विभागाने महत्वाच्या कागदपात्रांसह मोठी रक्कम ताब्यात घेतल्याची माहिती समोर आली आहे. सांगलीसह पुणे, कोल्हापूर आणि कर्नाटकमधील पथकांनी ही कारवाई केली आहे. व्यापाऱ्याच्या निवास स्थानासह मार्केट यार्ड परिसरातील दुकानांवरही छापे टाकण्यात आली आहेत. रात्री उशीरापर्यंत ही कारवाई सुरू होती. आयकर विभागाकडून याबाबत मोठी गुप्तता पाळण्यात आली होती. (Income tax department raids sugar trader in Sangli)

हे देखील पहा -

छापा टाकण्यात आलेला व्यापारी सह्याद्रीनगर परिसरात राहत असून, मार्केट यार्ड परिसरात त्यांचा मोठा साखरेचा व्यापार आहे. काल आयकर विभागाची पथके सांगली शहरात दाखल झाली होती. तेव्हापासून कारवाईला सुरूवात करण्यात आली आहे. आलीशान गाडी, मोठी रक्कम आणि काही महत्वाची कागदपत्र असल्याची माहिती समोर आली आहे. त्यानुसार सांगली मार्केट यार्ड परिसरात छापे टाकण्यात आले. या व्यापाऱ्यासह अन्य काही ठिकाणाही छापे टाकण्यात आल्याची माहिती देखील समोर आली आहे.

Edited By - Shivani Tichkule