Maharashtra Rain: राज्यात येत्या ४८ तासांत धो-धो पाऊस बरसणार;‘या’ जिल्ह्यांना रेड अलर्ट, शाळांना सुट्टी जाहीर

राज्यात गेल्या काही दिवसांपासून मुसळधार पाऊस सुरू आहे. पावसामुळे अनेक भागात पूरस्थिती निर्माण झाली आहे.

अनेक जिल्ह्यांमध्ये पावसाचा कहर पाहायला मिळतोय. नद्या-नाले दुथडी भरून वाहत आहे.

मुंबईसह उपनगरातही गेल्या चार ते पाच दिवसांपासून पावसाची जोरदार बॅटिंग सुरू आहे.

दरम्यान, येत्या ४८ तासांत राज्यात पावसाचा जोर आणखीच वाढणार असा अंदाज हवामान खात्याने वर्तवला आहे.

हवामान खात्याने काही जिल्ह्यांना ऑरेंज काही जिल्ह्यांना यलो अलर्ट, तर ४ जिल्ह्यांना रेड अलर्ट दिला आहे.

हवामान खात्याने आज 26 जुलै रोजी रायगड, रत्नागिरी, पुणे, सातारा या जिल्ह्यांमध्ये पावसाचा रेड अलर्ट दिला आहे.

रेड अलर्ट असल्याने जिल्हा प्रशासनाने रायगडमधील शाळा आणि महाविद्यालयांना सुट्टी जाहीर केली आहे.

याशिवाय तर पालघर, मुंबई, ठाणे, सिंधुदुर्ग, कोल्हापूर, नांदेड, भंडारा, गडचिरोली, गोंदिया या जिल्ह्यांमध्ये अतिमुसळधार पावसाचा अंदाज वर्तवण्यात आला आहे.