IAS Pooja Khedkar Case : वादग्रस्त IAS अधिकारी पूजा खेडकर नॉट रिचेबल?; मोठं कारण आलं समोर

अक्षय बडवे, साम टीव्ही प्रतिनिधी

गेल्या काही दिवसांपासून वादाच्या भोवऱ्यात सापडलेल्या आयएएस अधिकारी पूजा खेडकर यांच्या संदर्भात मोठी बातमी समोर आली आहे. अटकेच्या भीतीने त्या नॉट रिचेबल झाल्या आहेत. पूजा खेडकर यांनी पुणे जिल्हाधिकारी यांच्या विरोधात तक्रार दिली होती. पुणे पोलिसांनी २ वेळा नोटीस देऊन सुद्धा पूजा खेडकर उपस्थितीत राहिलेल्या नाहीत.पुणे पोलिसांनी त्यांना संपर्क करण्याचा प्रयत्न केला, मात्र त्यांच्याशी संपर्क होऊ शकलेला नाही. दिल्लीत गुन्हा दाखल झाल्याने अटकेच्या भीतीने पूजा खेडकर नॉट रिचेबल असल्याची चर्चा सुरू आहे.

पूजा खेडकर यांच्या अडचणी काही केल्या कमी होताना दिसत नाही आहेत. १९ जुलै रोजी केंद्रीय लोकसेवा आयोगाने (UPSC) पूजा खेडकर यांना चुकीची माहिती दिल्याबद्दल सिव्हिलची उमेदवारी रद्द का करू नये, याबाबत कारणे दाखवा नोटीस बजावली होती. तसंच पूजा खेडकर यांच्या विरोधात FIR दाखल करण्याचा मोठा निर्णय UPSC घेतला होता.

UPSC नेे नागरी सेवा परीक्षा-2022 मध्ये पूजा खेडकर यांची तात्पुरती शिफारस केली होती. दरम्यान सध्या सुरू असलेल्या प्रकरणात UPSC ने सखोल तपास सुरू केला आहे. या तपासात पूजा खेडकर यांनी त्यांचं नाव, वडिलांचं आणि आईचं नाव, तिचे फोटो/स्वाक्षरी, तिचा ईमेल आयडी, मोबाईल नंबर आणि पत्ता बदलून ओळख लपवून आयोगाची फसवणूक केल्याचा ठपका ठेवण्यात आला आहे, तसंच दिल्लीत याविरोधात फसवणुकीचा गुन्हा दाखल करण्यात आला आहे.

दरम्यान पुणे पोलिसांनी त्यांना २ वेळा नोटीस देऊन सुद्धा त्या उपस्थित राहिल्या नाहीत. त्यामुळे पुणे पोलिसांनी त्यांच्याशी संपर्क साधला मात्र त्यांच्याशी संपर्क होऊ शकलेला नाही. पूजा खेडकर यांनी पुणे जिल्हाधिकारी यांच्या विरोधात तक्रार दिली होती. दिल्लीत गुन्हा दाखल झाल्याने अटकेच्या भीतीने पूजा खेडकर नॉट रिचेबल असल्याचा संशय व्यक्त केला जात आहे.