माथेरानमध्ये विचित्र अपघाताची घटना उघडकीस आली आहे. हैदराबादच्या प्रवाशांचा माथेरानमध्ये भीषण कार अपघात घडला. ब्रेक फेल झाल्यानं कार उलटली. कारमध्ये सहा प्रवासी प्रवास करीत असल्याची माहिती आहे. अपघातग्रस्त फॅमिली हैदराबादहून माथेरानला फिरायला आली होती. दरम्यान, परतीच्या प्रवासावेळी अपघात घडला. या अपघातात जीवितहानी झालेली नाही, मात्र कारचं प्रचंड नुकसान झालं आहे.
हैदराबादहून एक फॅमिली माथेरानला फिरण्यासाठी आली होती. कारमधून ही फॅमिली प्रवास करीत होती. कारमध्ये सहा प्रवासी प्रवास करीत होते. दोन मुले आणि तीन मुलींचा समावेश होता. जुमापट्टी रेल्वे स्थानकातील पहिले रेल्वे क्रॉसिंग मार्गावरच वाहनाचे नियंत्रण सुटले.
घाट उतरत असताना वाहनाचा ब्रेक फेल झाला. कार थेट लोखंडी सुरक्षा रेलिंगला धडकली. त्यामुळे कार रस्त्याच्या खालच्या वळणावर हवेत उडून सिमेंट सुरक्षा कठड्याला धडकली. कार उलटल्यानंतर एअर बॅग उघडली. वाहनातील समोर बसलेले प्रवासी थोडक्यात बचावले.
साकेत राम,रेयूत त्रिलोक,काशू तेजस्विनी,रेहुक पूजिता,रेव्ह वैष्णवी आणि तेजस्वी इम्कोरल अशी जखमी प्रवाशांची नावे आहेत. सहा प्रवासी हैदराबाद राज्यातील गुंटूर जिल्ह्यातील एका गावातील रहिवासी आहेत. अपघात घडल्यानंतर अर्धा तास त्यांना कुठलीही मदत मिळाली नाही.
नेरूळ पोलीस ठाण्याचे पोलीस अधिकारी शिवाजी ढवळे यांना माहिती मिळताच त्यांनी घटनास्थळी धाव घेतली. पोलीस दलाच्या मदतीने त्यांनी जखमींना तातडीने रायगड हॉस्पिटलमध्ये नेलं. सध्या त्यांच्यावर उपचार सुरू आहेत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.