Thirty First Rules: चार बॉटल वोडका नव्हे तर फक्त ४ पेग; हॉटेल्स ५ वाजेपर्यंत राहतील सुरू पण..

नवीन वर्ष साजरे करण्याचे नियोजन आपण सर्वांनी सुरू केले असेल. तर ३१ डिसेंबर आणि १ जानेवारीच्या पार्टी करण्यासाठी सर्वजण उत्सुक आहेत. काही लोक आपल्या कुटुंबासह काहीजण मित्रांसोबत हॉटेल किंवा रिसॉर्ट्समध्ये नवीन वर्षाचे स्वागत करतात. मात्र थर्टी फस्टसाठी हॉटेल्ससाठी नवीन नियम घालण्यात आले आहेत.

त्यामुळे थर्टी फस्टला तराट होणाऱ्या तळीरामांना आपल्या जीभेवर ताबा ठेवावा लागणार आहे. नववर्षानिमित्त दारूबंदी लागू करण्यात आली असून ३१ डिसेंबरच्या रात्री हॉटेल्स आणि रिसॉर्ट्समध्ये लोकांना कमी दारू मिळणार आहे. हॉटेल्समध्ये फक्त चार पेग घेता येणार आहेत. त्यापेक्षा जास्त प्यायले पिण्यास परवानगी दिली जाणार नाहीये. दरम्यान हा नियम का घालण्यात आलाय याबाबत हॉटेल असोसिएशनने प्रतिक्रिया दिलीय.

अल्कोहोलच्या अतिरेकामुळे अपघाताचा धोका वाढतो. त्यामुळे लोकांना सुरक्षित ठेवण्यासाठी हे नियम घालण्यात आलाय. पार्टीनंतर जेव्हा लोक घरी परतताना अपघात मोठ्या प्रमाणात घडत असतात. नशेत असताना लोकांकडून कोणतीही चूक होऊ नये, यासाठी हॉटेल असोसिएशनने निर्णय घेतलाय.

अपघात टाळण्यासाठी हॉटेल्स आणि रिसॉर्ट्सना मद्य सेवा देण्यापूर्वी ग्राहकांचे वय निश्चित करण्यासाठी ओळखपत्रे तपासले जाणार आहेत, त्याबाबतच्या सूचना देण्यात आल्या आहेत. मद्यप्राशन करणाऱ्या ग्राहकांसाठी वाहनचालकांची व्यवस्था केली जाणार आहे. जेणेकरून ते दारूच्या नशेत वाहन चालवू नयेत.

सरकारने हॉटेल्स, रेस्टॉरंट्स, परमिट रूम आणि ऑर्केस्ट्रा बार ३१ डिसेंबरच्या रात्रीपासून पहाटे ५ वाजेपर्यंत सुरू राहतील. या नियमाचा उद्देश नवीन वर्षाची रात्र साजरी करण्यासाठी पुरेसा वेळ देणे हा आहे. परंतु जास्त मद्यपान टाळणे देखील आहे.