देशभरात पहिल्या टप्प्यातील लोकसभा निवडणुकांची जोरदार तयारी सुरू आहे. अशात पहिल्या टप्प्यात होणाऱ्या निवडणुकीसाठी आज उमेदवारी अर्ज मागे घेण्याचा शेवटचा दिवस आहे. राज्यभरात नाराज झालेल्या अनेक बंडखोरांनी स्वतःच्या पक्षाला आवाहन देत आपले उमेदवारी अर्ज अपक्ष म्हणून दाखल केले आहेत. त्यामुळे आज हे बंडखोर उमेदवारी आपला अर्ज मागे घेणार की कायम ठेवणार याकडे सर्वांचे लक्ष लागलंय.
मराठवाड्यातील हिंगोली लोकसभेत भाजपामधील तीन दिग्गज नेत्यांनी महायुतीच्या उमेदवारा विरोधात अपक्ष उमेदवारी अर्ज दाखल करत निवडणुकीची तयारी सुरू केली आहे. यामध्ये भाजपचे लोकसभा संघटक रामदास पाटील, भाजपचे नेते योगी श्याम भारती महाराज व सर्वोच्च न्यायालयाचे जेष्ठविधीज्ञ भाजप नेते शिवाजी जाधव यांचा समावेश आहे.
भाजपामधील या बंडखोर नेत्यांची नाराजी दूर करण्यासाठी केंद्रीय अर्थराज्यमंत्री भागवत कराड यांच्यासह भाजपचे नेते व राज्याचे ग्रामीण विकास मंत्री गिरीश महाजन काल दिवसभर हिंगोलीमध्ये तळ ठोकून होते कराड व महाजन यांच्या शिष्टाईनंतर हे बंडखोर आपल्या कार्यकर्त्यांशी चर्चा घेऊन निर्णय कळवतो असं महाजन यांना म्हणाले होते. त्यानंतर मात्र आता हे बंडखोर अर्ज मागे घेणार का याकडे देखील सर्वांचं लक्ष लागलं आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
