हिंगोली : बदलापूरमध्ये चिमुरडीवर झालेल्या अत्याचाराची घटना ताजी असताना आता हिंगोलीमध्ये देखील एका शिक्षकाने शाळेत अल्पवयीन मुलीसोबत गैरवर्तन केल्याचा प्रकार पुढे आला आहे. या घटनेनंतर पालकांनी हिंगोली शहर पोलिसात धाव घेत पोलिसांना या प्रकाराची माहिती दिली आहे. दरम्यान शाळा प्रशासनाने शिक्षकावर तातडीने निलंबनाची कारवाई केली आहे.
हिंगोली जिल्हा परिषदेच्या माध्यमातून सुरू असलेल्या केदारनाथ शिक्षण प्रसारक मंडळाच्या भारत प्राथमिक विद्यालयात हा सगळा प्रकार घडला आहे. या घटनेनंतर मुलीने घडला प्रकार घरी सांगितल्यानंतर पालकांनी हिंगोली शहर पोलिसात धाव घेत पोलिसांना या प्रकाराची माहिती दिली. या नंतर वरिष्ठ पोलीस अधिकाऱ्यांनी देखील या शाळेत जाऊन चौकशी केली आहे. मात्र शाळा प्रशासनाने शिक्षकाचे तातडीने निलंबन केले आहे.
अद्याप गुन्हा दाखल नाही
तर सदरच्या घटनेप्रकरणी पीडित मुलांच्या पालकांनी अद्याप पोलीस स्थानकात तक्रार दाखल केली नसल्याने संबंधित शिक्षकाच्या विरोधात कोणताही गुन्हा दाखल करण्यात आला नसल्याची माहिती पोलिसांनी दिली आहे. या प्रकरणात फिर्याद दाखल झाल्यानंतर आरोपी विरुद्ध गुन्हा दाखल करण्यात येणार असल्याचे देखील पोलिसांनी सांगितले आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
