Hingoli News : आलिशान कारमधून गांजाची वाहतूक; पोलिसांच्या कारवाईत ३६ किलो गांजा जप्त

हिंगोली : बंदी असताना देखील गांजाची लागवड व वाहतूक केली जात आहे. चोरून वाहतूक करताना वेगवेगळी शक्कल वापरली जाते. असाच प्रकार (Hingoli) हिंगोलीत समोर आला आहे. महागड्या आलिशान गाडीमधून गांजाची वाहतूक केली जात असल्याचे (Police) पोलिसांच्या कारवाईत समोर आले आहे. (Tajya Batmya)

हिंगोली- नांदेड राष्ट्रीय महामार्गावर पोलिसांकडून तपासणी सुरु होती. याच दरम्यान महामार्गावरून जात असलेल्या आलिशान कारची पोलिसांनी तपासणी केली असता कारमध्ये गांजाची वाहतूक सुरू असल्याचा धक्कादायक प्रकार पुढे आला आहे. बाळापूर पोलिसांनी गांजा घेऊन जाणारी कार ताब्यात घेत कारमधील ३६ किलो गांजा जप्त केला आहे. या गांजाची किंमत किती आहे, याचा अंदाज अजून समजलेला नाही. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

आरोपी फरार 

दरम्यान कारमधील आरोपींनी पोलिसांना पाहून घटनास्थळावरून पळ काढला आहे. गाडी व गांजा जप्त करत बाळापुर पोलिसांनी याप्रकरणी गुन्हा दाखल करत आरोपींचा शोध घेण्यास सुरुवात केली आहे.