Basamba Crime News: हिंगोली जिल्ह्यातून एक धक्कादायक बातमी समोर आली आहे. हिंगोलीच्या बासंबा गावात चार जणांनी मिळून एका युवकाची निर्घृण हत्या केल्याची घटना समोर आली आहे. या बातमीने परिसरात एकच खळबळ उडाली असून हत्या करणाऱ्या चारपैकी दोन जणांना पोलिसांनी ताब्यात घेतले आहे. (Hingoli News)
याबाबत अधिक माहिती अशी की, हिंगोलीच्या (Hingoli) बासंबा गावात चार जणांनी मिळून एका युवकाची निर्घृण हत्या केल्याचे उघडकीस आले आहे. शेख सादेक शेख रशीद असे हत्या करण्यात आलेल्या २७ वर्षीय युवकाचे नाव आहे. सादेक हा हत्या करणाऱ्या आरोपीच्या पत्नीकडे वाईट नजरेने पाहत असल्याचा आरोप करण्यात आला असून याच प्रकरणातून ही निर्घृण हत्या झाल्याचे समोर आले आहे.
या घटनेनंतर बासंबा पोलिसांनी तातडीने घटनास्थळी धाव घेतली आहे. या हत्या करणाऱ्या चार पैकी दोन आरोपींना ताब्यात घेतले आहे. तसेच उर्वरित दोघांचा शोध सुरू असल्याचेही पोलिसांनी सांगितले आहे. (Latest Marathi News)
या धक्कादायक घटनेने जिल्ह्यात एकच खळबळ उडाली आहे. घटनेनंतर बासंबा गावात तणावपूर्ण शांतता पसरली आहे. तसेच गावामध्ये हिंगोली पोलिसांनी (Police) कायदा व सुव्यवस्था अबाधित राहावी यासाठी मोठ्या प्रमाणात पोलीस बंदोबस्त तैनात केला आहे. (Latest Crime News)
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
