Balumama Devsthan : संत बाळूमामा देवस्थानच्या संभाव्य सरकारीकरणाविरोधात कोल्हापुरात हिंदुत्ववादी संघटनांचा जिल्हाधिकारी कार्यालयावर माेर्चा

- रणजीत माजगावकर

Kolhapur News :

श्री संत बाळूमामा देवस्थानातील (shri saint balumama devasthan) गैरव्यवहारांच्या प्रकरणाची त्वरित सीआयडी चौकशी व्हावी तसंच मंदिर सरकारीकरण न करता ते भक्तांच्या ताब्यात द्यावे यांसह अन्य मागण्यासाठी कोल्हापुरात आज (मंगळवार) हिंदुत्ववादी संघटनांनी जिल्हाधिकारी कार्यालयावर विराट मोर्चा काढला. यावेळी माेर्चेकरांच्या घाेषणांनी जिल्हाधिकारी कार्यालय परिसर दणाणून गेला. (Maharashtra News)

हिंदुत्ववादी संघटनांनी कोल्हापूरच्या ऐतिहासिक दसरा चौकातून महाराष्ट्र मंदिर महासंघ, बाळूमामा हालसिद्धनाथ सेवेकरी संस्था आणि हिंदू जनजागृती समितीच्या पुढाकारातून बाळूमामा देवस्थान संरक्षण मोर्चाला सुरुवात केली.

यावेळी हिंदुत्ववादी संघटनेच्या कार्यकर्त्यांनी जोरदार घोषणाबाजी करत परिसर दणाणून सोडला. या मोर्चेकरांच्या हातातील फलक हे सर्वांचे लक्ष वेधून घेत होते. सुनील घनवट (समन्वयक महाराष्ट्र मंदिर महासंघ) म्हणाले श्री संत बाळूमामा देवस्थानात माेठ्या प्रमाणात गैरव्यवहार झाला आहे. याची सीआयडीच्या माध्यमातून चौकशी हाेणे आवश्यक आहे. हे मंदिर सरकारीकरण न करता ते भक्तांच्या ताब्यात द्यावे असेही घनवट यांनी नमूद केले.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar