Wadange Bandh Kolhapur : वडणगे गावात कडकडीत बंद, काेल्हापूर पाेलिसांचा तगडा बंदाेबस्त

- रणजीत माजगावकर

कोल्हापूर जिल्ह्यातील करवीर तालुक्यातील वडणगे गावात आज (शुक्रवार) कडकडीत बंद पाळण्यात आला आहे. काही जागा वक्फ बोर्डाला देण्याचा डाव असल्याचा आराेप हिंदुत्ववादी संघटनांनी केला आहे. दरम्यान वडणगे गावात पाेलिसांचा तगडा बंदाेबस्त दिसून येत आहे.

हिंदुत्ववादी संघटनांच्या म्हणण्यानूसार वडणगे गावाचे ग्रामदैवत महादेव मंदिराशेजारील जागा तसेच दुकानदारांचे गाळे आणि शिव पार्वती तलावा जवळील दोन एकर जागा वक्फ बोर्डाला देण्याचा डाव रचला जात आहे. यामुळे ग्रामस्थ नाराज झाले आहेत.

दरम्यान आज वडणगे गावात कडकडीत बंद पाळण्यात आला आहे. वडणगे गावात सकाळपासून सर्व व्यवहार बंद असल्याचे दिसून येत आहे. या बंद काळात कोणताही अनुचित प्रकार घडू नये यासाठी गावात पोलिस बंदोबस्त तैनात करण्यात आला आहे.

Edited By : Siddharth Latkar