Phonda Ghat Accident News : फाेंडा घाटात भीषण अपघात, जाणून घ्या वाहतुकीची स्थिती (Video)

- रणजीत माजगावकर

Kolhapur :

फोंडा ते दाजीपूर मार्गावर आज (गुरुवार) दुपारच्या सुमारास 18 चाकी कंटेनरचा अपघात झाला. हा कंटनेर रस्त्यामध्येच उलटला. या अपघातात काेणतीही जिवीत हानी झालेली नाही. या अपघातामुळे फोंडा घाटातील अवजड वाहनांची वाहतूक बंद (phondaghat traffic update) करण्यात आली आहे. (साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

फोंडा ते दाजीपूर मार्गावर अपघात झाल्यानंतर घटनास्थळी पोलिस विभाग व इतर संबंधित यंत्रणा पोहोचली. या यंत्रणेच्या माध्यामतून अपघातग्रस्त कंटेनर बाजूला घेण्याची कार्यवाही सुरू करण्यात आली आहे. सध्या फोंडा घाटातील अवजड वाहनांची वाहतूक बंद करण्यात आली आहे. यामुळे फोंडा घाटात वाहनांच्या रांगा लागल्या आहेत.

दरम्यान करुळ घाटातील रस्ता मजबुतीकरण व दुप्पदरीकरणाचे काम सुरु असल्याने या घाटातील वाहतुक ३१ मार्चपर्यंत पूर्णपणे बंद ठेवण्यात आली आहे. त्यामुळे करुळ घाटातील वाहतुक फोंडा घाट (phonda ghat), भुईबावडा घाट (bhuibavda ghat) व अनुस्कारा घाटातून (anuskura ghat) वळविण्यात आली आहे. (Maharashtra News)

आज फाेंडा घाटात अपघात झाल्याने या घाटातील वाहतुक पूर्णत: विस्कळीत झाली आहे. सुमारे अडीच वाजता वाहतुक सुरळीत हाेईल अशी शक्यता वर्तवली जात आहे.

Edited By : Siddharth Latkar