Mumbai News : राज्यातील अनेक भागात मागील काही दिवसांपासून धो-धो कोसळणारा पाऊस काही विश्रांती घेणार आहे. हवामान विभागाच्या अंदाजानुसार, पुढचे काही दिवस पावसाचं प्रमाण कमी राहण्याचा अंदाज आहे. पावसाची तीव्रता (Heavy Rain) कमी होणार आहे.
राज्यात पुढील २४ तासांत कोकण आणि मध्य महाराष्ट्रातील घाट भागात मुसळधार पाऊस सुरू राहील आणि त्यानंतर त्यात हळूहळू घट होईल. उद्या राज्यात कोणत्याही जिल्ह्यात पावसाचा रेड किंवा ऑरेंज अलर्ट देण्यात आलेला नाही.
बाष्पीभवन झाल्याने दरडी कोसळण्याच्या घटना मात्र घडू शकतात. त्यामुळे सतर्क राहण्याचे आवाहन हवामान विभागाने केले आहे. (Latest News)
उद्या राज्यातील १९ जिल्ह्यांना यलो अलर्ट देण्यात आला आहे. म्हणजे या जिल्ह्यांमध्ये विजेच्या गडगडाटासह मध्यम स्वरुपाचा पाऊस पडण्याचा हवामान विभागाचा अंदाज आहे. (Maharashtra News)
यामध्ये ठाणे, पालघर, रत्नागिरी, सिंधुदुर्ग, रायगड, पुणे, कोल्हापूर, सातारा, अकोला, अमरावती, भंडारा, बुलडाणा, गडचिरोली, चंद्रपूर, गोंदिया, नागपूर, वर्धा, वाशिम, यवतमाळ या जिल्ह्याचा समावेश आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
