अकोल्यात चारचाकी वाहनातून देशी कट्टा घेऊन फिरणाऱ्यास बेड्या!

अकोला : चारचाकी वाहनातून देशीकट्टा घेऊन फिरणाऱ्यास स्थानिक गुन्हे शाखेने अकोल्यातील मुजफ्फर नगर परिसरात अटक केली आहे. राहील खान असे अटक केलेल्या आरोपीचे नाव आहे.

हे देखील पहा :

त्याच्याकडून एक देशिकट्टा, एक जिवंत काडतुस आणि एक मॅगझीन आणि चार चाकी वाहन असा एकूण 4 लाख 36 हजार रुपयांचा मुद्देमाल जप्त केला आहे. मुजफ्फर नगर परिसरात चारचाकी वाहनातून रस्त्यावर फिरत एक व्यक्ती हा देशी कट्टा घेऊन असल्याची माहिती पोलिसांना मिळाली होती.

स्थानिक गुन्हे शाखेचे पोलिस निरीक्षक संतोष महल्ले यांना या माहितीच्या आधारावर त्या परिसरात फिरणाऱ्या चारचाकी वाहनाची चौकशी केली असता त्यामध्ये देशी कट्टा आढळून आला. ही कारवाई पोलिस निरीक्षक संतोष महल्ले यांच्या नेतृत्वाखाली पोलिसांनी केली.

Edited By : Krushnarav Sathe