PFI News : 'पीएफआय' वर राष्ट्रवादी काॅंग्रेसची भूमिका आजही गुलदस्त्यात'

नवनीत तापडिया

PFI Latest Update : सध्या देशभरात पीएफआय संघटनेच्या कार्यालयांवर छापे पडत आहेत. पीएफआय संघटनेच्या कार्यकर्त्यांना अटक (arrest) केली जात आहे. या सर्व गाेष्टी हाेत असताना राष्ट्रवादी काॅंग्रेस आणि राष्ट्रवादी काॅंग्रेसचे नेते शरद पवार (sharad pawar) हे गप्प आहेत. खरं तर त्यांनी पीएफआयवर बाेलले पाहिजे असे मत गुणरत्न सदावर्ते यांनी व्यक्त केले. (gunratna sadavarte latest marathi news)

औरंगाबाद येथे आयाेजिलेल्या पत्रकार परिषदेत वकील सदावर्ते बाेलत हाेते. ते म्हणाले आज छत्रपती संभाजीनगर येथे पत्रकार परिषद घेण्याचा मुख्य कारण म्हणजे पीएफआय संघटनेवर हाेत असलेल्या कारवाया. अनेकांनी ते रुचलेले दिसत नाही. खासदार इम्तियाज जलील यांचा आम्ही निषेध करतो. ते पीएफआयचे सहानुभूतीदार आहेत का ? असा प्रश्नही सदावर्ते यांनी उपस्थित केला.

सदावर्ते म्हणाले राष्ट्रवादी काँग्रेसचे अध्यक्ष शरद पवार हे पीएफआय वर काही बोलले नाहीत. त्यांनी यावर बाेलले पाहिजे. सुप्रीया सुळे यांनी आमची कॉपी केली. जवाब दो हे त्यांनी कॉपी केलं. राष्ट्रवादी काँग्रेसने पीएफआयबाबत भूमिका जाहीर करावी असेही सदावर्ते यांनी नमूद केले.

ते म्हणाले शरद पवार यांच्याविरोधात मलबार हिल आणि पुणे येथे तक्रार जयश्री पाटील यांनी दाखल केली आहे. त्याची चौकशी सीआयडी करत आहे. दरम्यान दाऊद इब्राहिमनं बॉम्बस्फोट केला तो काळ शरद पवार यांच्या सत्तेतला होता असे एका प्रश्नावर सदावर्ते यांनी नमूद केला.

Edited By : Siddharth Latkar