शुभम देखमुख, प्रतिनिधी
एकीकडे निवडणूक आयोगासमोर राष्ट्रवादीच्या संघर्षाची सुनावणी सुरू असतानाच अजित पवार गटाचे नेते प्रफुल्ल पटेल यांच्या बालेकिल्ल्यात राष्ट्रवादीला मोठे खिंडार पडले आहे. गोंदियामध्ये राष्ट्रवादीच्या युवक तालुका अध्यक्षांसह ३०० कार्यकर्त्यांनी काँग्रेसमध्ये प्रवेश केला.
अजित पवार सत्तेत सहभागी झाल्याने राष्ट्रवादीमध्ये अजित पवार (Ajit Pawar) आणि शरद पवार (Sharad Pawar) असे दोन गट पडले. मात्र गोंदिया जिल्हा हा प्रफुल पटेल यांचा गृह जिल्हा असल्याने राष्ट्रवादीत कुठेही फूट पडल्याचे पाहायला मिळाले नव्हते. मात्र आज (रविवार, ८ ऑक्टोंबर) राष्ट्रवादीसह मनसे कार्यकर्त्यांनी पक्षाला रामराम ठोकत कॉंग्रेसमध्ये (Congress) प्रवेश केला.
गोंदिया जिल्ह्यातील अतिदुर्गम भाग असलेल्या सालेकसा तालुक्यातील युवक राष्ट्रवादीच्या तालुका अध्यक्ष रोहीत बनोटे सह जवळपास ३०० कार्यकर्त्यांनी राष्ट्रवादी काँग्रेसला सोळचीट्टी देत काँग्रेसमध्ये प्रवेश केला. राष्ट्रवादीसह प्रफुल्ल पटेल यांच्यासाठी हा सर्वात मोठा धक्का मानला जात आहे.
राष्ट्रवादीसह महाराष्ट्र नवनिर्माण विद्यार्थी सेनेचे (MNS) जिल्हाध्यक्ष राहुल हटवार यांनी देखील आपल्या १०० कार्यकर्त्यांसह काँग्रेसमध्ये प्रवेश केला आहे. तसेच भाजपच्या देखील 50 कार्यकर्त्यांचा काँग्रेसमध्ये पक्षप्रवेश झाला आहे.
काँग्रेसचे देवरी-आमगाव विधानसभा क्षेत्राचे आमदार सहसराम कोरोटे यांच्या नेतृत्वावर विश्वास ठेवत जवळपास ४५० कार्यकर्त्यांनी काँग्रेसमध्ये प्रवेश केला आहे. तर या पक्षप्रवेशानंतर देवरी आमगाव विधानसभा क्षेत्रात काँग्रेसला बळ मिळाला असून राष्ट्रवादीला मोठा धक्का बसला आहे. (Latest Marathi News)
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.