Durga Devi Visarjan: दुर्गादेवी विसर्जनाला गेलेल्या युवकाचा गाडी खाली येऊन मृत्यू

शुभम देशमुख 
गोंदिया : नऊ दिवस दुर्गादेवी उत्सव मोठ्या उत्साहात साजरा झाला. (Navratri Festival) दसऱ्यानंतर आज अनेक दुर्गोत्सव मंडळांच्या वतीने दुर्गादेवीचे विसर्जन केले जात आहे. परंतु या विसर्जन मिरवणुकीत अघटीत अशी घटना (Gondia) गोंदिया शहर परिसरात घडली आहे. विसर्जन मिरवणुकीदरम्यान गाडीच्या चाकाखाली आल्याने एका युवकाचा मृत्यू झाल्याची घटना घडली आहे. (Latest Marathi News)

नवरात्रोत्सव मोठ्या उत्साहात साजरा करण्यात आला. गरबा, दांडियाचा आनंद घेतल्यानंतर आज दुर्गादेवी मंडळांकडून विसर्जन केले जात आहे. त्यानुसार गोंदियात देखील सर्वत्र विविध दुर्गा उत्सव मंडळाच्या रॅली दुर्गा मूर्तीचे विसर्जन गोंदिया शहरापासून १० किलोमीटर अंतरावर असलेल्या कोरणी घाट येथे करण्यात येत आहे. यामुळे घाटावर मंडळाच्या कार्यकर्त्यांची मोठी गर्दी झाली आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

अशातच दुर्गा विसर्जन करायला गेलेल्या गाडीच्या खाली आल्याने एका युवकाचा मृत्यु झाल्याची घटना घडली आहे. ऋतिक अरखेल (वय २२) असे मृतकाचे नाव असून तो गोंदिया शहरातील सावराटोली येथील रहिवासी आहे. घटनेची माहिती रावणवाडी पोलिसांना देण्यात आली असून रावणवाडी पोलीसांनी घटनेची नोंद घेतली आहे.