Bike Theft : दुचाकी चोरून विकायच्या प्रयत्नात एकाला अटक; दुसऱ्या साथीदाराचा शोध सुरू

शुभम देशमुख 
गोंदिया : गोंदिया शहरातून वेगवेगळ्या ठिकाणांहून दुचाकी चोरी करून त्या लपवून ठेवायच्या. यानंतर संधी साधून (Gondia) त्यांची विक्री करणाऱ्या एका चोरट्याला स्थानिक गुन्हे शाखेच्या पथकाने पकडले. त्याच्याकडून चोरलेल्या (Crime News) दोन दुचाकी जप्त करण्यात आल्या आहेत. (Latest Marathi News)

गोंदिया तालुक्यातील कटंगीटोला येथील दुर्गेश देवकरण भगत (वय २३) यास पोलिसांनी ताब्यात घेतले आहे. तर कार्तिक बिसेन (रा. रजेगाव) असे फरार आरोपीचे नाव आहे. स्थानिक गुन्हे शाखेचे पथक गोंदिया ग्रामीण व रावणवाडी परिसरात गुन्हे प्रतिबंधक पेट्रोलिंग करीत असताना गुप्त बातमीदाराकडून मिळालेल्या माहितीवरून दुर्गेश भगत याला एका दुचाकीसह अटक करण्यात आली. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

१५ दिवसांपूर्वी दुचाकी चोरी 

१५ दिवसांपूर्वी रावणवाडी येथील साई बार समोरून त्याचा साथीदार कार्तिक बिसेन याच्यासोबत दोघांनी मिळून दुचाकी चोरी (Bike Theft) केल्याची कबुली दुर्गेशने दिली. पोलिसांनी त्याच्याकडून चोरलेल्या दोन दुचाकी जप्त केल्या आहेत. मात्र त्याचा साथीदार कार्तिक बिसेन हा फरार आहे. त्याचा शोध पोलीस करीत आहे.