Crime: घरगुती वादातून वडिलांनी केली मुलाची हत्या

गोंदिया : जिल्ह्यातील गोरेगाव तालुका अंतर्गत येत असलेल्या पिंडकेपार या गावातील वडिलाने आपल्या मुलाला चाकूने वार करत खुन (Crime) केल्याची घटना समोर आली आहे. याप्रकरणी आरोपी वडिलाला गोरेगाव पोलिसांनी (Police) अटक केली आहे. (Gondia Crime News)

पिंडकेपार (Gondia) येथील आरोपी वडील लोकचंद बुरले (वय 65) आपल्या राहत्या घरी पत्नी व मुलासोबत वास्‍तव्‍यास आहेत. पत्‍नीसोबत ते नेहमी भांडण करत मारहाण करत होते. त्‍यानुसार भांडण होवून मारहाण केली. याबाबत मृतक मुलगा कुलपत बुरले (वय 40) यांनी वडिलांना जाब विचारत आईला का मारहाण करत असल्याचे विचारले. यामुळे त्‍यांच्‍यात वाद झाला.

वादात पोटात खुपसला चाकू

मुलगा व वडील यांच्‍यात वाद झाला. जाब विचारल्‍याचा राग आल्‍याने आरोपीने आपल्या खिशात ठेवलेल्या चाकूने मृतक कुलपत याच्या पोटावर वार करत त्याची हत्या केली. याची माहिती गोरेगाव पोलिसांना मिळताच पोलिसांनी आरोपी लोकचंद बुरलेला अटक केली आहे. पुढील तपास गोरेगाव पोलीस करीत आहे.