अभिजित घोरमारे
गोंदिया: दहा लाखांच्या खंडणीसाठी आमगाव तालुक्यातील बनगाव येथील एका 17 वर्षाच्या मुलाचा गळा आवळून खून केल्याप्रकरणी आमगाव पोलिसांनी अटक केलेला आरोपी शौचाचा बहाना करत पोलिसांच्या हाताला तुरी देऊन पसार झाल्याची घटना गोंदिया (Gondia) जिल्ह्याच्या आमगांव पोलिस स्टेशन मध्ये घडली आहे. (Gondia Crime News In Marathi)
दुर्गाप्रसाद हरिणखेडे (वय 24 रा. नवेगाव खैरलांजी, मध्यप्रदेश) असे पसार झालेल्या आरोपीचे नाव आहे. आज सकाळी 8 वाजेच्या सुमारास पोलीस स्टेशन आवारातच असलेल्या शौचालयात शौचास गेला असता सोबत असलेल्या एकट्या पोलिसाला (Police) झटका देत भिंतीवरून उडी मारत फरार झाला.
आज पोलिस कोठडीत असलेला आरोपी पसार;
सदर आरोपीला चेतन खोब्रागडे या 17 वर्षीय मुलाच्या 10 लाखांच्या खंडणीसाठी अपहरण, खंडनी आणि खुनाच्या गुन्ह्यासाठी अटक झाली होती. त्याला न्यायालयात हजर केले असता 7 दिवसाची पोलिस कोठड़ी मिळाली होती. मात्र, आज पोलिस कोठडीत असलेला आरोपी पसार झाला आहे. आरोपी पसार झाल्याची घटना माहित होताच मृतकाच्या कुटुंबातील नागरिकांसह परिसरातील नागरिकांनी आमगाव पोलीस ठाण्याकडे धाव घेतली असून पोलीस ठाण्यासमोर मोठी गर्दी गोळा झालेली आहे. (Gondia News Updates)
हे देखील पहा-
याआधीही आरोपीचा मारहाणीत कोठडीत मृत्यू!;
विशेष म्हणजे यापुर्वी याच पोलीस ठाण्यात एका आरोपीचा मारहाणी दरम्यान पोलीस कोठडीतच मृत्यू झाल्याचे प्रकरण घडले होते. त्यावेळी सुध्दा पोलीस अधिकारी व कर्मचारी निलंबित झालेले होते. आता पोलीस कोठडीतून आरोपी फरार झाल्याने नव्या वादाला तोंड फुटले असून आरोपी पसार प्रकरणामुळे पुन्हा आमगाव पोलीस ठाणे चर्चेत आले आहे. आता पोलिसांनी वेगवेगळी टीम तयार करत आरोपीचा शोध सुरू केला आहे. विशेष म्हणजे आमगाव पोलीस ठाणे आणि उपविभागीय पोलीस अधिकारी यांचे कार्यालय एकमेकाला लागूनच असताना अशा प्रकार घडलाच कसा प्रश्न उभा ठाकला आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
