Gold Rate Today: गणेशोत्सवापूर्वी सोन्याच्या दरात मोठी घसरण, वाचा सुवर्णनगरीतील 18k- 22k आणि 24k चे दर

• जळगावच्या सराफा बाजारात सोनं-चांदीच्या दरात मोठा बदल

• २४ कॅरेटच्या १ तोळा सोन्याच्या दरात ५०० रुपयांची घसरण

• चांदीच्या दरात काहीच बदल झाला नाही

• सोन्याचे दर कमी झाल्याने ग्राहकांमध्ये आनंदाचे वातावरण

संजय महाजन, जळगाव

सोनं-चांदीच्या दरात गेल्या काही दिवसांपासून घसरण होत असल्याचे पाहायला मिळत आहे. जळगावच्या सराफा बाजारात आज सोनं-चांदीच्या दरात मोठा बदल झाला. आज सोन्याच्या दरात मोठी घसरण झाली. तर चांदीचे दर स्थिर असल्याचे पाहायला मिळाले. आज २४ कॅरेटच्या एक तोळा सोन्याच्या दरामध्ये ५०० रुपयांची घसरण झाली. सोन्याच्या दरात घसरण झाल्यामुळे ग्राहकांमध्ये आनंदाचे वातावरण आहे. सोनं खरेदीसाठी ग्राहकांनी मोठी गर्दी केली आहे.

जळगावच्या सुवर्ण बाजारात आठवडाभरापासून सोनं - चांदीच्‍या भावात सातत्‍याने चढ- उतार होत आहे. आंतरराष्ट्रीय बाजारात होत असलेल्‍या बदलाचा परिणाम सोनं-चांदीच्या बाजारात होत आहे. यामुळे सुवर्ण बाजारात मागील काही महिन्‍यांपासून सातत्याने चढ- उतार होत आहे. आज २४ कॅरेटच्या एक तोळा सोन्याच्या दरामध्ये ५०० रुपयांची घसरण झाली आहे. हे सोनं खरेदीसाठी ग्राहकांना १,५१,५०० रुपये खर्च करावे लागतील. गुरूवारी २४ कॅरेटचे १ तोळा सोनं १,५१,००० रुपयांना विकले गेले.

आज २२ कॅरेटच्या १ तोळा सोन्याच्या दरामध्ये ४६० रुपयांची घसरण झाली. हे सोनं खरेदीसाठी ग्राहकांना १,३८,७७५ रुपये खर्च करावा लागत आहे. गुरूवारी २२ कॅरेटच्या १ तोळा सोनं खरेदीसाठी १,३८,३१५ रुपये खर्च करावा लागला होता. दरम्यान चांदीच्या दरात आज काहीच बदल झाला नाही. १ किलो चांदी खरेदीसाठी ग्राहकांना २,३४,००० रुपये खर्च करावे लागतील.

गुड रिटर्न्सने दिलेल्या माहितीनुसार, आज २४ कॅरेटच्या १ तोळा सोन्याच्या दरामध्ये १६० रुपयांची वाढ झाली. हे सोनं खरेदीसाठी ग्राहकांना १,५४,५८० रुपये द्यावा लागणार आहेत. २४ कॅरेटच्या १० तोळा सोन्याचा दर १५,४५,८०० रुपये झाला आहे. २२ कॅरेटच्या १ तोळा सोन्याच्या दरामध्ये १५० रुपयांची वाढ झाली. हे सोनं १,४१,७०० रुपयांना विकले जात आहे. तर १० तोळा सोनं १४,१७,००० रुपये झाले आहे.