Gold Rate: आनंदाची बातमी! सराफा बाजारात सोन्याचे दर ९०० रुपयांनी घसरले, चांदीचीही चकाकी उतरली

सोने चांदीचे दर अनेक दिवसांपासून सातत्याने वाढत आहेत. अनेकांना नवीन वर्षात सोन्याचे दर कमी होती, अशी आशा होती. मात्र, हे दर वाढतानाच दिसत आहे. त्यामुळे सध्या सोनं खरेदी करणं हे सर्वसामान्यांच्या खिशाला परवडणारे नाहीये. मात्र, आता दिलासादायक बातमी समोर आली आहे. जळगावच्या सराफा बाजारात सोने-चांदीचे दर घसरले आहेत.

सोने-चांदीचे दर घसरले (Gold Silver Rate Fall)

सोने-चांदीचे भाव वाढलेले असतानाच आता गुंतवणूकदारांना दिलासा मिळाला आहे. सोन्यात ९००, तर चांदीत सात हजारांची घट पाहायला मिळाली. जळगाव येथील सराफा बाजारात दोन दिवसांपासून भाववाढीचा चढता आलेख पाहायला मिळाला. मात्र, गुरुवारी ८ जानेवारी रोजी सोने-चांदीचे भाव अचानक गडगडले.

सोन्यात प्रति दहा ग्रॅमला म्हणजेच १ तोळ्यामागे ९०० रुपयांची तर चांदीत प्रतिकिलो सात हजारांची घट झाली आहे. याचसोबत यावर जीएसटीदेखील आकारला जातो.अमेरिकेत ट्रम्प प्रशासनाने मोठे आयातशुल्क लावण्याबाबतच्या प्रस्तावाला मंजुरी दिली आहे.अमेरिकेतच डिसेंबरमधील रोजगाराची आकडेवारी प्रसिद्ध झाल्याने त्याचा आंतरराष्ट्रीय बाजारावर नकारात्मक परिणाम झाला. त्यामुळे सोन्या-चांदीच्या भावासह शेअर बाजारही गडगडला.

दोन दिवसांपूर्वीचे सोन्याचे दर

सोन्याचा भाव दोन दिवसांपूर्वी म्हणजेच बुधवारी १ तोळ्यामागे एक लाख ३६ हजार ७०० रुपये होता. त्यात आज नऊशे रुपयांची घट होऊन सोने एक लाख ३५ हजार ८०० वर पोहोचला. चांदीचा भाव प्रतिकिलो दोन लाख ४८ हजार होता. त्यात गुरुवारी सात हजारांची घट होऊन चांदी दोन लाख ४१ हजारांवर पोहोचली आहे.