Gautami Patil News: गौतमी पाटीलचे कार्यक्रम बंद होणार? नाशिकच्या घटनेनंतर महाराष्ट्रातील राजकीय पक्षाने दिला इशारा

Gautami Patil Lavani Nashik: नाशिकमध्ये गौतमी पाटीलच्या कार्यक्रमात वार्तांकन करण्यासाठी गेलेल्या पत्रकारांना तेथील उपस्थित मद्यपी तरुणांनी मारहाण केली.
Gautami Patil News
Gautami Patil Newssaam tv

अभिजित सोनवणे, प्रतिनिधी...

Nashik News: लावणी कलावंत गौतमी पाटील नेहमीच कोणत्या ना कोणत्या कारणाने चर्चेत येत असते. गौतमीच्या कार्यक्रमांमुळे लावणी कलेचा अपमान होत असून त्यावर बंदी घालण्यात यावी अशी मागणी वारंवार पुढे येत असतानाच आता आणखी एका प्रकरणामुळे गौतमी पाटील अडचणीत आली आहे.

इतकेच नव्हेतर राज्यातील एका राजकीय पक्षाने गौतमीच्या कार्यक्रमांवर बंदी घालण्याचीही मागणी केली आहे. काय आहे हे संपूर्ण प्रकरण, चला जाणून घेवू.. (Gautami Patil Event Nashik)

Gautami Patil News
Sangali Accident: भीषण अपघात! वीटाने भरलेल्या ट्रॅक्टरची बोलेरोला धडक; एकाच कुटूंबातील पाच जणांचा मृत्यू

काय आहे संपूर्ण प्रकरण?

याबाबत अधिक माहिती अशी की, गौतमी पाटीलच्या नाशिकमधील (Nashik) कार्यक्रमात पत्रकारांवर झालेल्या हल्ल्या प्रकरणी राष्ट्रवादी युवक कॉंग्रेसने आक्रमक भूमिका घेतली आहे. गौतमी पाटीलसह आयोजकांवर गुन्हा दाखल करावा अशी मागणी करत यापुढे नाशिक शहरासह जिल्ह्यात गौतमी पाटीलचा कार्यक्रमहोऊ देणार नाही असा इशारा राष्ट्रवादी युवक काँग्रेसच्या वतीने देण्यात आला आहे.

राष्ट्रवादीची मागणी....

नाशिकमध्ये काल गौतमी पाटील यांच्या कार्यक्रमात वार्तांकन करण्यासाठी गेलेल्या पत्रकारांना तेथील उपस्थित मद्यपी तरुणांनी मारहाण केली. या घटनेत पत्रकार गंभीर जखमी झाले आहेत. गौतमी पाटीलवर गुन्हा दाखल करून तिला नाशिक जिल्हा बंदी करण्यात यावी अशी मागणी राष्ट्रवादी युवक काँग्रेसच्या वतीने करण्यात आली आहे. (Latest Marathi News)

Gautami Patil News
Trimbakeshwar News: हिंदुत्ववादी संघटनांकडून त्र्यंबकेश्वर मंदिरात शुद्धीकरण; महाराष्‍ट्र बंदची हाक

या घटनेसाठी सर्वस्वी गौतमी पाटीलला (Gautami Patil) जबाबदार धरून तिच्यावर गुन्हा दाखल करण्यात यावा, तसेच नाशिकमध्ये असे प्रकार पुन्हा घडू नये यासाठी नाशिक जिल्ह्यात गौतमी पाटीलला पूर्णतः बंदी घालण्यात यावी अशी मागणी राष्ट्रवादी युवक काँग्रेसच्या वतीने युवक शहराध्यक्ष अंबादास खैरे यांनी केली आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com