Dada Bhuse: शाळेत राष्ट्रगीतानंतर आता 'गर्जा महाराष्ट्र माझा' राज्यगीत गाणे बंधनकारक

मराठी शाळेसोबतचं आता सर्व माध्यमाच्या शाळेत राष्ट्रगीतानंतर राज्यगीत गाणे बंधनकारक करण्यात आलंय. 'गर्जा महाराष्ट्र माझा' हे राज्यगीत आता सर्वच शाळांमध्ये गाणे बंधनकारक असणार आहे. जी शाळा याची अंमलबजावणी करणार नाही त्यावर कारवाई करण्यात येईल, असा इशारा राज्याचे शिक्षणमंत्री दादा भुसे यांनी दिलाय.

मराठी शाळेसोबत आता सर्व माध्यमाच्या शाळेतही राष्ट्रगीतानंतर राज्यगीत गाणं बंधनकारक आहे, असा आदेश देण्यात आलाय. पूर्वी इयत्ता चौथी आणि सातव्या वर्गाची शिष्यवृत्ती परीक्षा होत होती. त्यानंतर पाचव्या आणि आठव्या वर्गाची शिष्यवृत्ती परीक्षा घेण्यात आली. आता यानंतर इयत्ता चौथी, पाचवी, सातवी आणि आठवीच्या विद्यार्थ्यांची शिष्यवृत्ती परीक्षा घेऊन शिष्यवृत्तीधारक विद्यार्थ्यांची संख्या वाढविण्याचा संकल्प शालेय शिक्षणमंत्री दादा भुसे यांनी व्यक्त केला.

शालेय शिक्षण विभाग उच्च दर्जाच्या शिक्षणासोबतच आता विद्यार्थ्यांच्याही आरोग्याची काळजी घेणार आहे. यापूर्वी विद्यार्थ्यांची तपासणी व्हायची ती औपचारिकरित्या होत होती. मात्र, आता पालकांच्या उपस्थितीत आरोग्य पथक विद्यार्थ्यांची तपासणी करणार आणि त्यानंतर विद्यार्थ्यांना एक हेल्थ कार्ड देण्यात येणार. हे हेल्थ कार्ड त्यांना आयुष्यात अनेक ठिकाणी उपयुक्त पडणार असल्याची माहिती शालेय शिक्षण मंत्री दादा भुसे यांनी दिलीय.

शिक्षक भरती घोटाळ्याच्या चौकशीसाठी नेमण्यात आलेल्या एसआयटीमध्ये कोण कोण आहे. याची लवकरच माहिती समोर येणार आहे. यात कोणावरही अन्याय होणार नाही. शिक्षण विभाग म्हणून आमची ते जबाबदारी आहे. जो कोणी निरप्राध आहे. त्यांच्यावर अन्याय होणार नाही. चुकीच्या काम बिलकुल होणार नाही. परंतु चौकशीमध्ये जो कोणी दोषी आढळून आला त्याच्यावर कारवाई होणार असल्याचे दादा भुसे यांनी सांगितलंय.