तिरुपतीला दर्शनासाठी निघालेल्या चार जणांवर काळाचा घाला !

कैलास चौधरी

उस्मानाबाद : तिरुपती बालाजीच्या दर्शनासाठी निघालेल्या नाशिक जिल्ह्यातील भाविकांच्या वाहनाचा अपघात होऊन चौघांचा जागीच मृत्यू झाला आहे. शुक्रवारी पहाटेच्या सुमारास गाडीला मागून एका आयशर टेम्पोने धडक दिल्याने हा भीषण अपघात झाला आहे.

हे देखील पहा -

नाशिकच्या मालेगाव तालुक्यातील काही भाविक टेम्पो ट्रॅव्हलरने तिरुपतीच्या दर्शनासाठी निघाले होते. त्यांचे वाहन उस्मानाबाद जिल्ह्यातील तेरखेडा गावाजवळ आल्यानंतर चाक फुटले. ते बदलण्यासाठी चालकाने वाहन बाजूला घेतले असता, चाक बदलत असतानाच बीडकडून उस्मानाबादच्या दिशेने भरधाव आलेल्या एमएच 20 इजी 1517 या क्रमांकाच्या टेम्पोने पाठीमागून जोराची धडक दिली.

यात शरद देवरे, विलास बच्छाव, जगदीश दरेकर, सतीश सूर्यवंशी हे चौघे जागीच ठार झाले. तर संजय सावंत, भरत पगार व गोकुळ शेवाळे हे गंभीर जखमी झाले आहेत. त्यांना पुढील उपचारासाठी सोलापूर येथे दाखल करण्यात आले आहे.

Edited By : Krushnarav Sathe