Crime News : मुलीच्या धाडसामुळे कुटुंबावरील मोठे संकट टळले, ४ सशस्त्र दरोडेखोरांना अटक

- सागर निकवडे

Nandurbar Crime News : नंदुरबार जिल्ह्यातील विसरवाडीत एका व्यापाऱ्याचा घरात मध्यरात्री दरोड्याचा प्रयत्न झाला. केवळ मुलीच्या सर्तकतेमुळे भरवस्तीत मोठ्या सशस्त्र दरोड्याचा प्रयत्न असफल ठरला. या घटनेतील ४ सशस्त्र दरोडेखोरांना पोलीसांनी ताब्यात घेतले आहे. (Maharashtra News)

नवापूर तालुक्यातील विसरवाडी येथे कुंभार गल्लीत भरवस्तीत असलेल्या एका व्यापारी यांच्या घरात मध्यरात्री सशस्त्र दरोडा पडला. पाच दरोडेखोर अग्रवाल दांपत्याला दोराने बांधून मारहाण करीत होते.

त्याचा आवाज आल्याने मुलीला जाग आली. ते दृश्य पाहून घाबरून न जाता घराबाहेर गेली नातेवाईकांना कळवले. त्यांनी पोलीसांना घटनेची माहिती दिली. या घटनेची माहिती मिळताच क्षणाचाही विलंब न लावता पोलीसांनी धाव घेत चार जणांना ताब्यात घेतले तर एक जण घटनास्थळावरुन निसटला.

त्या फरार दरोडेखोरास शोधण्यासाठी पोलीसांनी व सतर्क नागरिकांनी सर्वत्र परिसर पिंजून शोधाशोध सुरू केली. अंधाराचा फायदा घेत ताे पळुन जाण्यास यशस्वी झाला होता. पोलीस (police) त्याचा शोध घेत आहेत.

Edited By : Siddharth Latkar