माजी उपसरपंचानं गोळी घातली, तेव्हा पूजा कुठे होती? बँक डिटेल्स अन् कॉल लॉग जप्त, बंगल्याविषयी मोठी माहिती हाती

बीडच्या लुखामसला गावचे माजी उपसरपंच गोविंद बर्गे यांच्या मृत्यू प्रकरणातून अनेक बाबी समोर येत आहेत. पोलिसांसमोर नर्तिका पूजा गायकवाडने गोविंद यांच्यासोबत प्रेमसंबंध असल्याचं कबूल केलं. मिळालेल्या माहितीनुसार, पूजानं दीड वर्षातच गोविंद यांना कंगाल केलं होतं, असा आरोप गोविंद यांच्या नातेवाईकांनी केला होता. पूजानं गोविंद यांच्याकडे ५ कोटींचा बंगला मागितल्याची माहिती समोर आली आहे.

१५ सप्टेंबरला पूजाचा वाढदिवस होता. गिफ्ट म्हणून तिनं गोविंदकडे मोठी गोष्ट मागितली होती. तिनं गोविंदकडे ५ कोटींचा बंगला मागितला होता. तिनं त्याच्यांसमोर हट्ट धरला होता, अशी माहिती पोलसी तपासातून समोर आली आहे. याच कारणामुळे त्यांनी टोकाचं पाऊल उचललं असावं, असा अंदाज व्यक्त केला आहे.

गोविंद हे लुखामसला गावचे माजी उपसरपंच तसेच त्यांचा प्लॉटिंगचाही व्यवसाय होता. आतापर्यंत त्यांनी पूजावर भरपूर पैसे उधळले होते. सोने - चांदीचे दागिने, महागडा मोबाईल भेट म्हणून दिलं होतं. घरच्यांच्या विरोधात जाऊन गोविंद पूजाला भेटत होता. तसेच भेटवस्तू देत होता. तिचा नंतर गोविंदच्या बंगल्यावर डोळा होता.

तिनं गोविंदकडे बंगला मागितला. पण गावातील बंगला दिल्यावर गावात बदनामी होईल, म्हणून गोविंद यांनी नकार दिला. गोविंद त्याबदल्यात पूजाला दुसरा बंगला द्यायला तयार झाले होते. मात्र, पूजानं त्यानंतर अबोला धरला. गोविंद तिला भेटण्यासाठी कला केंद्रात जात होता. पण ती भेटत नव्हती. आत्महत्येच्या दिवशी गोविंद सासूरे गावात गेले. पूजा पारगावच्या कला केंद्रात होती. पण तिनं भेटण्यास नकार दिला होता. पोलिसांसमोर पूजानं कला केंद्रात असल्याचं कबूल केलं. त्यामुळे पूजा घटनेच्या दिवशी कला केंद्रातच होती का? याचा तपास वैराग पोलिसांकडून सुरू आहे.

वैराग पोलिसांनी तिचा सीडीआर आणि लोकेशन मागवले आहे. तसेच पूजानं गोविंदकडून आतापर्यंत किती रक्कम घेतली? बँक डिटेल्स पोलिसांनी मागवले आहे. यातून आर्थिक व्यवहाराची माहिती समोर येईल, असं पोलिसांनी सांगितलं. सध्या पूजा पोलीस कोठडीत असून,उद्या पुन्हा तिला न्यायालयात हजर केले जाणार आहे.