भाजपचे माजी आमदार लवकरच करणार राष्टवादीमध्ये प्रवेश

संजय राठोड

आर्णी-केळापुर विधानसभा मतदारसंघाचे माजी आमदार राजू तोडसाम यांनी बंडाचे निशान हाती घेतले आहे. त्यामुळे आता आर्णी- केळापूर मतदारसंघात मोठी राजकीय उलथापालथ होण्याची चिन्हे असून राजू तोडसाम लवकरच राष्ट्रवादी काँग्रेस पक्षामध्ये प्रवेश करणार आहे.

गत विधानसभा निवडणुकीत माजी आमदार राजू तोडसाम यांना भाजपने उमेदवारी नाकारली होती. त्यांच्या व्यक्तीगत झालेल्या बदनामीचे भांडवल केल्याची भावना तोडसाम समर्थकांकडून व्यक्त केल्या जात आहे. निवडणुकीत उमेदवारी नाकारल्याने माजी आमदार राजू तोडसाम यांनी अपक्ष उमेदवारीही दाखल केली होती.

दरम्यान तोडसाम यांना २६ हजार पेक्षा जास्त मतदान घेतले. मात्र भाजपचे संदीप धुर्वे विजयी झाले. कालांतराने तोडसाम यांना पक्षात फारसा वाव मिळाला नाही. त्यातून माजी आमदार राजू तोडसाम भाजप विरोधात बंडाचे निशाण हाती घेऊन राष्ट्रवादी काँग्रेसमध्ये प्रवेश करणार आहे.

Edited By: Pravin Dhamale