नागपूर: नवीन कामठी पोलीस (Police) ठाण्याअंतर्गत येणाऱ्या आवंडी या गावामध्ये (village) फार्महाऊसवर (farmhouse) ८ आरोपींनी (accused) गोळीबार (Firing) केला आहे. ही घटना काल रात्री १० वाजेच्या सुमारास घडली आहे. आवंडी (Awandi) गावापासून एक ते दीड किमी अंतरावर आणि नागपूर (Nagpur)- जबलपूर (Jabalpur) महामार्गापासून १ किमी अंतरावर यशपाल ईश्वर शर्मा याच्या शेताच्या (Farm) बाजूला हा फॉर्म हाऊस (Farm House) आहे. (Firing on a farmhouse in Awandi area)
हे देखील पहा-
या फॉर्म हाऊसमध्ये पत्नी आणि २७ वर्षीय मुलाबरोबर राहून ते शेती करतात. शेतात काम करणाऱ्या मजुरांना त्यांनी भाडय़ाने ठेवले आहे. बुधवारी रात्री तोंडाला कापड बांधून ८ आरोपी आले होते. आरोपींनी फॉर्महाऊसच्या बाहेर गोळीबार केला आहे. गोळीबाराचा आवाज ऐकून मजूर (Labor) बाहेर आले. तोच आरोपी वॉल कंपाऊंडवर उडय़ा मारून आत शिरले आणि मजुरांच्या मागे धावले होते. आरोपींच्या हातात पिस्तूल (Pistol) बघून मजूर आपापल्या खोल्यामध्ये शिरले. त्यावेळी शर्मा हे आपल्या कुटुंबीयाबरोबर वरच्या माळय़ावर होते.
आरोपींनी शर्मा यांच्या जि.प.च्या काचा फोडले आणि पळून गेले आहेत. नवीन कामठी पोलिसांचा (Police) ताफा घटनास्थळी दाखल झाला आहे. अद्याप आरोपी सापडले नाहीत. आरोपींनी लुटमार न करता केवळ गोळीबारच का केला आहे, याचे कारण अद्याप गुलदस्त्यात आहे. आरोपींनी ३ वेळेस गोळीबार करत दहशत निर्माण केला आहे. पोलिसांनी घटनास्थळावरील सीसीटीव्ही फुटेज ताब्यात घेतले आहे, अशी माहिती नवीन कामठीचे पोलीस निरीक्षक संतोष वैरागडे यांनी यावेळी दिली आहे.
Edited By- Digambar Jadhav
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.