Nashik Fire News : बोलठाण बस स्थानक परिसरातील दुकान आगीत भस्मसात, मोबाईलसह इलेक्ट्रॉनिक्स वस्तूंचा झाला काेळसा

- अजय सोनवणे

Nashik :

नाशिक जिल्ह्यातील नांदगाव तालुक्यातील बोलठाण येथील एका मोबाईल शॉपला आज (शुक्रवार) पहाटेच्या सुमारास अचानक आग लागली. या आगीमध्ये माेबाईल शाॅपीमधील बहुतांश माल जळून खाक झाला. प्राथमिक माहितीनूसार या घटनेत लाखाे रुपयांचे नुकसान झाले आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

या घटनेबाबत मिळालेली माहिती अशी : बस स्थानक परिसरात असलेल्या हरिओम मोबाईल शॉपमध्ये पहाटेच्या सुमारास आग लागली. गावातील काही युवक आणि नागरिक मॉर्निंग वॉकसाठी निघाले हाेते. त्यावेळी त्यांना दुकानातून धुर निघत असल्याचे दिसून आले.

या युवकांनी दुकानाचे संचालक उमेश दायमा आणि त्यांचे बंधू पत्रकार निलेश दायमा यांच्याशी संपर्क साधला. त्यांना दुकानात आग लागल्याची शक्यता वर्तवली. त्यानंतर दायमा बंधू यांनी दुकानचे शटर उघडून नागरिकांच्या सहकार्याने आग विझविली.

या घटनेत मोबाईल रिपेअरींगसाठी लागणारे साहित्य, बेसीक फोन ५० नग, जुने मोबाईल, लॅपटॉप, इतर साहित्य, दुकानचे फर्निचर असे सुमारे आठ लाख दहा हजार रुपयांचे नुकसान झाले असल्याची माहिती तलाठी जयेश मलधोडे यांनी पंचांसमक्ष केलेल्या पंचनाम्यात म्हटले आहे. या दुकानला लागलेल्या आगीचे कारण अद्याप समजलेले नसून घटनेबाबत बोलठाण तसेच परिसरातील नागरिक हळहळ व्यक्त करु लागले आहेत.

Edited By : Siddharth Latkar