Satara Fire News : पिंपोडे बुद्रुक गावात घराला आग, नागरिकांसह वाईचे फायर ब्रिगेड घटनास्थळी धावलं; 60 लाखांचे नुकसान

Satara News : काेरेगाव तालुक्यातील पिंपोडे बुद्रुक येथील बस स्थानक परिसरात असणाऱ्या घराला व दुकानाला आज (बुधवार) पहाटेच्या दरम्यान शॉटसर्किटमुळे भीषण आग लागली. या घटनेत कोणतीही जीवित हानी झालेली नाही. (Maharashtra News)

पिंपोडे बुद्रुक येथील बस स्थानक परिसरात असणाऱ्या दत्तात्रय काशिनाथ महाजन यांच्या राहत्या घराला व त्यांनी दिलेल्या भाडेतत्त्वावरती असणाऱ्या दुकान ॲग्रो हायटेक या अनिल ढोले यांच्या शेतीविषयक दुकानाला आज पहाटेच्या दरम्यान भीषण आग (fire) लागली.

या आगीमुळे मोठ्या प्रमाणावर परिसरात दूरवर आगीचे लोट व धूर पसरलेला दिसून आला. पिंपोडे बुद्रुक येथील नागरिकांनी आग विझविणामध्ये अथक परिश्रम घेतले. तसेच वाई (wai) अग्निशामक दलाच्या (fire brigade) वतीनेही आग विझविण्यात आली. या लागलेल्या भीषण आगीमुळे मोठ्या प्रमाणावर पिंपोडे बुद्रुक येथील वातावरण भयभीत झाल्याचे दिसून आले.

दरम्यान या आगीत काेणतीही जिवीत हानी झालेली नाही. या घटनेत सुमारे 60 लाख रुपयांचे नुकसान झाल्याची प्राथमिक माहिती मिळाली आहे.

Edited By : Siddharth Latkar