Akola Fire Crackers Factory: तांदळीत फटाका कारखान्यात स्फोट, एक ठार, सात जखमी; दाेघे गंभीर

पातूर पोलिस घटनेचा तपास करीत आहेत.
fire crackers factory, tandali village, akola, patur
fire crackers factory, tandali village, akola, patur saam tv

Akola News : अकोल्यातील (akola) पातूर (patur) तालुक्यातल्या तांदळी (tandali village) गावाजवळ असलेल्या फटाक्याच्या कारखान्यांमध्ये (fire crackers factory) झालेला ब्लास्टमुळे एक मजूर ठार झाला आहे. या घटनेत सात जण जखमी झाले आहेत. (Breaking Marathi News)

तांदळीतील फटाक्याचा कारखान्यात काम सुरू असताना आज (मंगळवार) अचानक आग लागली. ही आग स्फोटामुळे लागल्याचा प्राथमिक अंदाज व्यक्त केला जात आहे. या स्फोटात शेख रज्जाक शेख गुलाब (५८, रा. अकोट फैल अकोला) हे जागेवरच मृत्यूमुखी पडले आहेत.

fire crackers factory, tandali village, akola, patur
Shirdi Sai Baba : साई भक्तांसाठी मोठी बातमी; शिर्डीतील मंदिर राहणार रात्रभर खुले, जाणून घ्या कारण

या घटनेत दादाराव नवघरे (६५, रा. तांदळी), नवीन कुमार (२८, रा. बिहार) हे दाेघे गंभीर जखमी झाले. तसेच धम्मपाल सीताराम खंडेराव (३६), सुरेश नामदेव दामोदर (५३), रुपेश शालिग्राम डाबेराव (३५), मंगेश भिमराव खंडेराव (३२), रिना रुपेश खंडेराव (३०) हे किरकोळ जखमी झाले आहेत.

या स्फोटात अंदाजे २० ते २५ लाखांचे नुकसान झाले असल्याचा प्राथमिक अंदाज व्यक्त केला जात आहे .घटनेची माहिती मिळताच पातूरच्या रुग्णवाहीकेचे डॉ. फैजान जगीरदार, चालक धीरज बंड, तहसील कार्यालयाचे नायब तहसीलदार विजय खेडकर, मुजहीद खा आणि पातूर पोलिस स्टेशनचे ठाणेदार हरीश गवळी, सहा. ठाणेदार गजानन पोटे यांच्यासह पोलिस कर्मचारी घटनास्थळावर दाखल झाले. आगीचे अधिकृत कारण मात्र अद्याप समजू शकलेले नाही. पातूर पोलिस घटनेचा तपास करीत आहेत.

Edited By : Siddharth Latkar

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam Marathi News
saamtv.esakal.com