शर्मा कुटुंबियांना धक्का; मुलास वाचविण्यासाठी गेलेल्या वडिलांचाही बुडून मृत्यू

अकोला : अकोला (akola) जिल्ह्यातल्या तेल्हारा तालुक्यातील उकळी बाजार येथील कालव्याच्या टेलचे पाणी जात असलेल्या नाल्यात पडून बाप लेकाचा मृत्यू झाल्याची घटना घडली. गजानन मोहनलाल शर्मा आणि त्यांचा मुलगा कन्हैया अशी मृत्यू झालेल्यांची नावे आहेत. (akola latest marathi news)

तेल्हारा तालुक्यातील उकळी बाजारमधील वांगरगाव शेत शिवारात गजानन शर्मा यांची शेती आहे. शेतामध्ये (farm) काम करीत असताना त्यांचा १२ वर्षीय मुलगा कन्हैया हा कालव्याच्या टेलचे पाणी जात असलेल्या नाल्यात बैल धुण्यासाठी गेला हाेता. त्याठिकाणी त्याचा तोल गेल्यामुळे तो नाल्यात पडला.

मुलाला वाचवण्यासाठी गजानन शर्मा यांनीही त्याच्याकडे धाव घेतली. नाल्यात उडी मारून त्यांनी मुलाला वाचवण्याचा प्रयत्न केला. परंतु या घटनेत दोघांचाही पाण्यात बुडून मृत्यू झाला. दोघांचाही मृतदेह शवविच्छेदनासाठी आरोग्य केंद्रात पाठविण्यात आल्याची माहिती पाेलिसांनी (police) दिली.

Edited By : Siddharth Latkar