Nanded News : पीक विम्यासाठी शेतकऱ्यांचा कृषी कार्यालयावर धडक माेर्चा

- संजय सूर्यवंशी

Nanded News : हदगाव तालुक्यातील सन 2022- 23 या वर्षात जून ते ऑगस्ट या दरम्यान मोठी अतिवृष्टी झाली होती. त्यामुळे सर्वच शेतकऱ्यांचे आर्थिक नुकसान झाले. या अनुषंगाने पीक विमा मिळावा या हेतूने सर्व शेतकरी बांधवांनी 72 तासाच्या आत क्लेम दाखल केला. (Maharashtra News)

या परिस्थितीत असताना देखील युनायटेड इन्शुरन्स कंपनीने विमा देण्यासाठी टाळाटाळ केली होती. परंतु स्वाभिमानी शेतकरी संघटनेच्या माध्यमातून मोठा लढा उभारण्यात आला. यामुळे पिक विमा कंपनीला कुठेतरी जाग आली असल्याने कुठल्याही परिस्थितीत सर्वांनाच पिक विमा देण्यात येईल, असे आश्वासन दिले होते.

दरम्यान नुकतेच या कंपनीच्या माध्यमातून मोजक्याच शेतकऱ्यांना पीक विमा मिळाल्याने उर्वरित शेतकऱ्यांचे काय? असाही प्रश्न निर्माण झाला आहे. यासंदर्भात बैठकीचे आयोजन करण्यात आले होते.

पीक विमा कंपनीच्या विरोधात आता शेतकरी बांधवातून मोठा रोष व्यक्त होत असून आपापल्या विम्याच्या पावत्या ह्या कृषी कार्यालयामध्ये जमा करण्यासाठी साेमवार सकाळपासूनच हजारोच्या संख्येने शेतकरी कृषी कार्यालयासमोर उभे आहेत.

Edited By : Siddharth Latkar