राज्यात मे महिन्यातच अवकाळी पावसाला सुरूवात झाली. पावसाने अनेक जिल्ह्यांना झोडपून काढलं. यामुळे शेतीसोबत फळबागा उद्ध्वस्त झाल्या. यामुळे शेतकऱ्यांचे प्रचंड नुकसान झालं. प्रशासनाकडून अद्याप कोणतीही मदत मिळाली नसल्यामुळे शेतकरीवर्ग नाराज झाला आहे. शेतकरीवर्ग सातत्याने मदतीसाठी लोकप्रतिनिधींना भेट देत आहेत. याच पार्श्वभूमीवर बुलढाणा जिल्ह्यातील जळगाव-जामोद येथे शुक्रवारी मध्यरात्री एक धक्कादायक प्रकार घडला. संतप्त झालेल्या शेतकऱ्याने भाजप आमदार डॉ. संजय कुटे यांचे निवास्थान पेटवण्याचा प्रयत्न केला.
थेट आमदारांचा बंगला जाळण्याचा प्रयत्न
संग्रामपूर तालुक्यातील बावनबीर येथील शेतकरी विशाल मुरुड याने आमदार संजय कुटे यांच्या जळगाव जामोद येथील निवासस्थानी प्रवेश मिळवला. त्याच्या हातात पेट्रोलचं कॅन होतं. 'माझ्या शेतीचं अतिवृष्टीमुळे मोठं नुकसान झालं असून अद्याप मोबदला मिळालेला नाही, त्यामुळे मी आमदारांचा बंगला जाळून टाकणार', असं म्हणत शेतकरी बंगल्याच्या प्रवेशद्वाराच्या दिशेनं गेला.
या घटनेवेळी आमदार संजय कुटे निवासस्थानी उपस्थित होते. शेतकरी पेट्रोलचं कॅन घेऊन येत असल्याचं पाहताच स्वीय सहाय्यकाने त्याला अडवलं. चौकशी करत त्याला पोलिसांच्या ताब्यात दिलं. पोलिसांनी याप्रकरणी कारवाई करत शेतकऱ्यावर BNS कलम 333 आणि 351(2) अंतर्गत गुन्हा दाखल केला. या प्रकरणी पोलीस अधिक तपास करीत आहेत.
डॉ. संजय कुटे कोण आहेत?
डॉ. संजय कुटे हे भाजपचे ज्येष्ठ नेते आणि जळगाव-जामोदचे आमदार आहेत. २००४ साली ते पहिल्यांदा विधानसभेत निवडून आले होते. मागील २० वर्षांपासून जनतेचे प्रतिनिधित्व करत आहेत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.