नाशिकच्या मिसळवाल्या आजींचे निधन

नाशिक : चमचमीत मिसळीच्या Misal चवीने अनेकांना भुरळ पाडणाऱ्या नाशकातील प्रसिद्ध ‘सीताबाईची मिसळ’च्या Sitabai Misal आजींचे निधन झाले आहेत. सीताबाई मोरे Sitabai More ‘मिसळवाल्या आजी’ या नावाने प्रसिद्ध होत्या. मंगळवारी सकाळी त्यांनी अखेरचा श्वास घेतला. सीताबाईंच्या जाण्याने कुटुंबीयसह खवय्यांमध्ये देखील हळहळ व्यक्त केली जात आहे.

सीताबाई मोरे यांचे वृद्धापकाळाने वयाच्या ९४ व्या वर्षी प्राणज्योत मालवली.त्यांच्या पार्थिवावर मंगळवारी दुपारी अंत्यसंस्कार करण्यात आले. यावेळी मिसळप्रेमींसह शहराच्या विविध भागांतील नागरिक उपस्थित होते. त्यांनी जवळपास ७५ वर्ष खवय्यांच्या मनावर अधिराज्य गाजवले होते.

हे देखील पहा -

नाशिकची मिसळ नगरी अशी ख्याती होण्यामागेही त्यांचे योगदान महत्त्वाचे आहे.जुन्या नाशिक या छोट्याशा भागातून आजींनी आपल्या मिसळचा व्यवसायाला सुरुवात केली आणि अल्पावधीतच आजींची ही मिसळ पूर्ण नाशकात प्रसिद्ध झाला होता.

आजींची मिसळ खाण्यासाठी अनेक लोकं वेगवेगळा भागातून येत होते. संपूर्ण शहरात त्यांच्या मिसळची चर्चा पसरल्यानंतर अल्पवधीत त्या एक यशस्वी उद्योजिका म्हणून पुढे आल्या. सध्या त्यांच्या नाशकात तीन शाखा आहेत. त्यामुळे सीताबाई मोरे यांच्या जवळच्या नातेवाईकांसोबतच मिसळप्रेमींमध्ये हळहळ व्यक्त करण्यात येत आहे.

Edited By - Shivani Tichkule