महाराष्ट्रावर दुष्काळाचं महासंकट? 1950 नंतरचा महाभंयकर 'एल निनो'? हाहाकार माजणार, बळीराजा कोलमडणार?

जागतिक हवामानात मोठे फेरबदल घडवून आणणारा आणि भारतासाठी 'व्हिलन' मानला जाणारा ‘एल निनो’ प्रशांत महासागरात सक्रिय झालाय..अमेरिकेच्या ‘नोआ’ या नामांकित हवामान संस्थेच्या ‘क्लायमेट प्रेडिक्शन सेंटर’ने यावर शिक्कामोर्तब केलयं...त्यामुळे भारतातल्या मान्सूनवर याचा मोठा परिणाम होण्याची शक्यता आहे. यामुळे पावसाचं प्रमाण अनियमित होऊन शेतीवर मोठा परिणाम होण्याची शक्यता आहे....

मान्सूनवर एल निनोचं संकट

प्रशांत महासागराचं तापमान सरासरीपेक्षा वाढल्यानं 'एल निनो' सक्रिय

यंदा 1950 नंतरचा सर्वाधिक तीव्र एल निनो राहण्याचा 63% अंदाज

भारतात मान्सूनवर विपरीत परिणाम होऊन पाऊस कमी किंवा अनियमित?

फेब्रुवारी 2027पर्यंत एल निनोचा प्रभाव राहण्याची 90% शक्यता

एल निनोमुळे 2027चा उन्हाळा अत्यंत तीव्र राहण्याचा अंदाज

दरम्यान या एल निनोमुळे महाराष्ट्रावर कसा परिणाम होणार... पाहूयात...

महाराष्ट्रावर एल निनोचं महासंकट?

मान्सूनच्या आगमनासोबतच एल निनो सक्रिय झाल्याने पावसाचे प्रमाण सरासरीपेक्षा कमी राहण्याचा अंदाज आहे. पाऊस अनियमित झाल्याने पिकांच्या पेरण्या उलटण्याची किंवा पिके जळून जाण्याची भीती आहे.

भारताची अर्थव्यवस्था आणि शेती पूर्णपणे मान्सूनवर अवलंबून आहे. त्यामुळे पावसाच्या अनिश्चिततेमुळे खरिपाच्या उत्पादनात मोठी घट होऊ शकते, ज्यामुळे अन्नधान्याची टंचाई ओढवूव महागाई वाढण्याचा धोका निर्माण होऊ शकतो.

दरम्यान एल निनोमुळे राज्यात निर्माण होणाऱ्या या संभाव्य दुष्काळी आणि हवामान संकटाची गंभीर दखल मुख्यमंत्री देवेंद्र फडणवीसांनी घेतलीय. यासाठी विशेष टास्क फोर्सची नियुक्ती करून बदलत्या हवामानानुसार कृषी विद्यापीठांच्या सल्ल्यानेच पेरण्या करण्याचे आवाहन शेतकऱ्यांना केलयं...

जरी एल निनोचा प्रादेशिक परिणाम सर्वत्र सारखा नसला, तरी भारतासारख्या कृषीप्रधान देशासाठी हा 'रेड अलर्ट' आहे. याआधी अतितीव्र स्वपरुपाच्या या एल निनोमुळे जगात अनेक ठिकाणी गंभीर परिणाम झाल्याचं पाहायला मिळालयं.. त्यामुळे आगामी काळात पाण्याचे नियोजन, कमी पाण्यात येणारी पिकं आणि उष्णतेच्या लाटांपासून बचावासाठी प्रशासनाला युद्धपातळीवर काम करावे लागणार आहे.