Dress Code In Temple: गेल्या काही दिवसांपासून महाराष्ट्र मंदिर महासंघाच्या वतीने राज्यातील अनेक मंदिरांमध्ये ड्रेस कोड लागू करण्यात येत आहेत. याआधी नागपूर शहरातील चार मंदिरांमध्ये वस्त्र संहिता लागू करण्यात येत होते.
त्यानंतर अमरावती शहर व जिल्ह्यातील आठ मंदिरामध्ये ड्रेससक्ती करण्यात आली होती. याबाबतची आता महत्वाची बातमी समोर येत असून राज्यातील एकूण ११४ मंदिरांमध्ये ड्रेस कोड लागू करण्यात आले आहेत. महाराष्ट्र मंदिर महासंघाने याबाबतची घोषणा केली आहे.
याबाबत अधिक माहिती अशी की, जळगाव, अकोला, धुळे, नागपूर, नाशिक, अमरावती यांसह कोकण मिळून महाराष्ट्रातील एकूण ११४ मंदिरांमध्ये वस्त्रसंहिता लागू करण्यात येत आहे. यामध्ये मुंबई, ठाणे, रायगड आणि पालघर जिल्ह्यातील १८ मंदिरांचा समावेश आहे. याबाबतची माहिती महाराष्ट्र मंदिर महासंघाने दिली आहे. माहीम येथील शीतलादेवी मंदिरात झालेल्या पत्रकार परिषदेत महासंघाचे समन्वयक सुनील घनवट याबाबतची घोषणा केली.
महाराष्ट्र मंदिर महासंघाच्या वतीने ७ जून रोजी दादर येथील स्वातंत्र्यवीर सावरकर राष्ट्रीय स्मरकामध्ये मुंबई, ठाणे, रायगड जिल्ह्यातील मंदिरांच्या ट्रस्टीची बैठक आयोजित केली होती. या बैठकीला उपस्थित असलेल्या ट्रस्टींनी याबाबतचा ठराव ठराव एकमताने संमत केला आहे.
दरम्यान, नागपूरमध्ये (Nagpur) सर्वप्रथम याबाबतचा निर्णय जाहीर करण्यात आला होता. नागपूरातील गोपाळ कृष्ण मंदिर, धनतोली, संकटमोचन पंचमुख हनुमान मंदिर, बेलोरी, बृहस्पती मंदिर, कोन्होलीबारा आणि दुर्गामाता मंदिर हिलटॉप या मंदिरांमध्ये ड्रेसकोड बंदी करण्यात आली. ज्यानंतर नाशिकच्या (Nashik) सप्तश्रृंगी मंदिरामध्येही हा नियम लागू होणार असल्याचे सांगण्यात आले होते. (Latest Marathi News)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.