Nanded : उस्माननगर - नांदेड (Nanded) महामार्गावर झालेल्या एका अपघातात (accident) चार महिन्यांपुर्वीच लग्न झालेल्या एका युवकाचा मृत्यू झाला आहे. प्राथमिक माहितीनूसार आजारी वडीलांना भेटण्यासाठी हा युवक (youth) निघाला हाेता. दरम्यान मृत्यू झालेल्या युवक पेशानं डाॅक्टर (doctor) हाेता. (Tajya Batmya)
उस्माननगर - नांदेड महामार्गावरील गोविंद गार्डन जवळ एक अपघात झाला. या अपघातात डाॅक्टर अविनाश डांगे यांचा मृत्यू झाला. लोहा तालुक्यातील पोखरभोसी येथील डाॅ. अविनाश हे वडीलांची औरंगाबाद येथे बायपास सर्जरी झाली म्हणून नांदेडहून रैल्वेने औरंगाबादला जाणार होते.
पोखरभोसीहून नांदेडला दुचाकीवर जात असताना मोकाट जनावर दुचाकी समोर आल्याने दुचाकीवरुन पडून डॉ. अविनाश यांचा मृत्यू झाला. डॉ. अविनाश यांचा चारच महिन्यांपुर्वी विवाह झाला होता.
या दुर्दैवी घटनेमुळे डांगे कुटुंबांस माेठा धक्का बसला आहे. डाॅ. अविनाश डांगे यांचा मृत्यू झाल्यानं त्यांच्या गावात शोककळा पसरली आहे. या प्रकरणी ग्रामीण पोलीस ठाण्यात आकस्मिक मृत्यूची नोंद केली आहे.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
