Dombivali Crime : खुनाच्या गुन्ह्यातुन सुटताच सुरु केली चेन स्नेचिंग; डोंबिवली मानपाडा पोलिसांनी घेतले ताब्यात

अभिजित देशमुख

कल्याण : रस्त्यावरून जाणाऱ्या महिलांच्या गळ्यातील चैन तोडून फरार झाल्याचा घटना मागील काही दिवसांपासून कल्याण, (Dombivali) डोंबिवली परिसरात घडत होत्या. भर रस्त्यात महिलांची चैन तोडून फरार होणाऱ्या सराईत चैन स्नेचरला मानपाडा पोलिसांनी बेड्या ठोकल्या. त्याची सखोल चौकशी सुरु आहे. 

प्रभात सिंग उर्फ मदन सिंग जुनी असे पोलिसांनी ताब्यात घेतलेल्या चोरट्याचे नाव आहे. तो टिटवाळा गणेश वाडी परिसरात वास्तव्यास आहे. प्रभातने चैन स्नेचिंग करण्यासाठी वाशिंद येथून बाईक चोरी केली होती. (Crime News) त्यानंतर प्रभातने कल्याण, डोंबिवली, विरार भागात चैन स्नेचिंगचा धडाका लावला होता. या वाढलेल्या घटनांबाबत (Manpada Police) पोलिसात तक्रार दाखल होत्या. त्यावरून पोलिसांकडून आरोपीचा शोध सुरु होता. 

दरम्यान डोंबिवलीमध्ये झालेल्या चैन स्नेचिंगच्या गुन्ह्यात मानपाडा पोलिसांनी सीसीटीव्ही फुटेजच्या आधारे ओळख आरोपीची पटविली. यानंतर सापळा रचून प्रभातला बेड्या ठोकल्या आहे. सराईत गुन्हेगार असलेला प्रभात दोन वर्षांपूर्वी हत्येच्या गुन्ह्यातून जामिनावर जेलमधून बाहेर आला होता. त्यानंतर तो चैन स्नेचिंगच्या गुन्ह्यांकडे वळला असल्याची माहिती समोर आली आहे.