कुत्र्याचे ब्रीड अफगाणिस्तानी, जोपासना होते लातूर जिल्ह्यात!

वर्षाकाठी या कुत्र्याच्या विक्रीतून किमान 50 लाखांच्या घरात उलाढाल होत असते.
कुत्र्याचे ब्रीड अफगाणिस्तानी, जोपासना होते लातूर जिल्ह्यात!
कुत्र्याचे ब्रीड अफगाणिस्तानी, जोपासना होते लातूर जिल्ह्यात!SaamTvNews
Published On

लातूर : गेली चारशे-पाचशे वर्षांपासून पश्मी आणि कारवान जातीचे कुत्रे जाणवळ ता. चाकूर जि. लातूर (Latur) या गावात पाळली जातात. अत्यंत चपळ आणि शिकारी कुत्र्यांच्या जातीला पिल्लं गर्भात असल्यापासून मागणी असते. अत्यंत देखण्या ब्रीडची जाणवळ गावात जवळपास 15 ते 16 घरात गेली चारशे पाचशे वर्षांपासून जोपासली जातात. या माध्यमातून होणारी उलाढाल लाखोंच्या घरात आहे.

हे देखील पहा :

लातूर जिल्ह्यातील चाकूर (Chakur) तालुक्यातील जाणवळ गावाला श्वानांची जोपासना करण्याचा गेल्या चारशे ते पाचशे वर्षांचा मोठा इतिहास आहे. जाणवळ गाव राज्यात नव्हे तर देशात श्वानांसाठी प्रसिद्ध असून इथं पश्मी आणि कारवान जातीचे श्वान (Dogs) पाळले जातात. गावातील किमान 15 ते 16 घरातील लोक याचे संगोपन करत आहे. पश्मी आणि कारवान जातीचे श्वान अत्यंत चपळ असल्याने शिकारीसाठी त्यांचा वापर केला जातो. तर काही लोक केवळ हौस म्हणून याचं पालन करत असतात.

कुत्र्याचे ब्रीड अफगाणिस्तानी, जोपासना होते लातूर जिल्ह्यात!
वकिलाच्या BMW गाडीला भीषण अपघात; चित्रपटातील दृश्यांप्रमाणे कारच्या कोलांट्या!

पोलीस खात्यात चोरांचा माग काढण्यासाठी अन्य जातीच्या श्वानांपेक्षा या श्वानांचा मोठा फायदा होतो. याची पैदास होताना अनेक शौकीन लोक नर कुत्रा 12 ते 15 हजार तर मादीला 8 ते 12 हजाराच्या भावाने विकत घेतात. वर्षाकाठी या कुत्र्याच्या विक्रीतून किमान 50 लाखांच्या घरात उलाढाल होत असते. पश्मी आणि कारवान जातीच्या कुत्र्यामुळे आज जाणवळ या गावाला वेगळी ओळख निर्माण झाली आहे.

Edited By : Krushnarav Sathe

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com