धुळे : साक्री तालुक्यातील वाचखेडी गावात दोन गटात संध्याकाळच्या सुमारास बकऱ्या चारण्यावरून वाद उफाळून आला होता. हा वाद इतका विकोपाला गेला की यात दगडफेक देखील करण्यात आली. यावेळी आलेल्या पोलिसांच्या गाडीवर देखील संतप्त जमावाने दगडफेक करत गाडीच्या काचा फोडल्या आहेत.
साक्री (Sakri) तालुक्यातील वाचखेडा या गावात शनिवारी सायंकाळी बकऱ्या चारण्याच्या कारणावर दोन गट आमनेसामने आले. त्यांच्यात वाद होऊन दगडफेक करण्यात आली. घटनेची माहिती साक्री पोलिसांना मिळताच पोलीस गावात पोहचले. मात्र जमावाने (Police) पोलिसांच्या गादीवर देखील दगडफेक केली. या दरम्यान व्हॅनमध्ये बसलेले पोलीस अधिकारी व कर्मचारी बचावले असून, पोलीस कर्मचाऱ्यांना कुठल्याही प्रकारची ईजा पोहोचली नाही. परंतु या दगड फेकीत पोलीस व्हॅनच्या काचा मात्र फुटल्याने पोलीस व्हॅनचे मोठ्या प्रमाणात नुकसान झाले आहे.
३० जणांवर गुन्हा दाखल
यासंदर्भात निजामपूर पोलीस ठाण्यात ३० जणांच्या विरोधात गुन्हा दाखल करण्यात आला आहे. सात जणांना पोलिसांनी ताब्यात देखील घेतले आहे, रात्री उशिरापर्यंत या संदर्भात निजामपूर पोलीस ठाण्यात गुन्हा दाखल करण्याचे काम सुरू होते. सध्या गावामध्ये तणावपूर्ण शांतता आहे
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
