खोटे बोलणे, लबाड्या करणे हा भाजपचा स्थायी भाव; अनिल गोटेंचा हल्ला बोल

भूषण अहिरे

धुळे : विधानसभेमध्ये गैरवर्तणूक केल्याच्या आरोपाखाली भाजपच्या बारा आमदारांचे निलंबन केल्यानंतर धुळ्याचे माजी आमदार तथा राष्ट्रवादी काँग्रेस पक्षाचे ज्येष्ठ नेते अनिल गोटे यांनी माजी मुख्यमंत्री तथा विरोधी पक्षनेते देवेंद्र फडणवीसांवर तिखट शब्दांमध्ये हल्‍लाबोल केला. फडणवीसांवर निशाणा साधत याबाबतचे परिपत्रक काढून गोटेंनी सोशल मीडियावर हे पत्रक चांगलेच वायरल केले आहे. (dhule-political-news-ncp-leader-anil-gote-attack-bjp-and-devendra-fadanvis-later-viral-social-media)

काय आहे गोटेंच्‍या परिपत्रकात

चूक नसताना देखील माफी मागण्याची सभ्यता फडणवीस, शेलार यांना आली कशी?, फडणवीस स्वतःला महात्मा गांधी, विनोबा, तुकाराम महाराज व येशू ख्रिस्त समजतात का?, कारस्थाने करून महाविकास आघाडीचे सरकार अडचणीत आणण्याचा डाव भाजपवरच उलटला, कारस्थानी फडणवीसांना शांत समयी ठाकरेंचा मजबूत दणका, संसदीय आयुधांचा दुरुपयोग करण्याचे कारस्थान विधानसभा अध्यक्षांनी उधळून लावले. खोटे बोलणे, लांड्यालबाड्या करणे हा तर भाजपचा स्थायी भाव असे म्हणत गोटेंनी पुन्हा एकदा फडणवीसांवर हल्लाबोल केला आहे.