Dhule ZP: जिल्‍हा परिषद महिला सदस्‍यावर हल्‍ला; निषेधार्थ काढला मोर्चा

धुळे : जिल्हा परिषदेच्या महिला सदस्या शालिनी भदाने यांच्‍यावर भ्याड हल्ला झाला. या हल्‍ल्‍याच्या निषेधार्थ आज (Dhule) सर्वपक्षीय महिला निषेध मोर्चा काढण्यात आला. यात महिलांची मोठ्या संख्‍येने उपस्‍थीती होती. (Maharashtra News)

गेल्या तीन दिवसांपूर्वी जिल्हा परिषदेच्या अध्यक्ष व उपाध्यक्ष निवडी दरम्यान (Shiv Sena) शिवसेनेच्या (Dhule ZP) जिल्हा परिषद सदस्य शालिनी भदाणे यांनी कुणालाही मतदान न करता तटस्थ भूमिका घेतली होती. यानंतर हा राग मनात धरून शिवसेनेच्या काही कार्यकर्त्यांतर्फे शालिनी भदाने यांच्यावर जिल्हा परिषदेच्या कार्यालयाबाहेर भ्याड हल्ला केल्याचा आरोप शालिनी भदाणे यांनी केला असून, या भ्याड हल्ल्याच्या निषेधार्थ आज सर्वपक्षीय महिला निषेध मोर्चा काढण्यात आला आहे.

जिल्‍हाधिकारींना निवेदन

निषेध मोर्चा दरम्यान सर्वपक्षीय महिलांनी आपला सहभाग नोंदविल्याचे बघावयास मिळाले आहे. यावेळी जिल्हाधिकाऱ्यांना या संदर्भात मोर्चेकऱ्यांतर्फे निवेदन देण्यात आले. या निवेदनाच्या माध्यमातून संबंधित हल्लेखोरांवर कठोरात कठोर कारवाई करण्याची मागणी करण्यात आली आहे.