धुळे : शहरातील जुने धुळे भागातील सुभाष नगर येथे गावठी कट्ट्य़ाचा धाक दाखवून महिलेवर लैंगिक अत्याचार (Crime News) केल्याची धक्कादायक घटना रविवारी (२७ नोव्हेंबर) सकाळी उघडकीस आली. या घटनेनंतर परिसरात तणाव निर्माण झाला. दरम्यान, याप्रकरणी पोलिसांनी (Police) गुन्हा दाखल केला असून संशयितालादेखील अटक केली. (Breaking Marathi News)
पीडित महिलेने आझादनगर (Dhule News) पोलिस ठाण्यात दिलेल्या फिर्यादीनुसार २७ नोव्हेंबरला सकाळी चारच्या सुमारास चंद्रशेखर हुमचंद मराठे (वय अंदाजे ४०) याने महिलेच्या राहत्या घरात त्या एकट्या असल्याची संधी साधत प्रवेश केला. त्यानंतर महिलेला गावठी कट्ट्य़ाचा धाक दाखवून तिच्यावर लैंगिक अत्याचार केला. रविवारी (ता.२७) सकाळी घटना उघडकीस येताच घटनेला जातीय रंग देण्याचा प्रयत्न झाला. त्यामुळे घटनास्थळी मोठी गर्दी होऊन तणावाचे वातावरण निर्माण झाले.
संशयीत ताब्यात
दरम्यान, घटनेची माहिती मिळताच पोलिस अधीक्षक श्री. बारकुंड, अपर पोलिस अधीक्षक किशोर काळे, पोलिस उपअधीक्षक एस. हृषीकेश रेड्डी यांनी घटनास्थळी धाव घेतली. तसेच मोठा पोलिस फौजफाटा तैनात केला. पोलिसांनी महिलेची फिर्याद नोंदवून घेत संशयित चंद्रशेखर मराठे याला ताब्यात घेतले. त्याच्याकडून गावठी कट्टाही जप्त केला. त्याच्याविरुद्ध आझादनगर पोलिस ठाण्यात विविध कलमान्वये गुन्हा दाखल झाला.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.