Dhule: तृतीयपंथीयांनी बच्चू कडू यांच्या प्रतिमेस जोडे मारून निषेध

धुळे : बच्चू कडू आणि नवनीत राणा यांच्यात गेल्या काही दिवसांपासून सुरू असलेल्या वादा दरम्यान बच्चू कडू (Bacchu Kadu) यांनी राणा यांच्यावर हिजडा या शब्दाचा वापर केला. यामुळे धुळ्यातील (Dhule News) तृतीयपंथी आक्रमक झाल्याचे बघावयास मिळाले आहे. या विरोधात तृतीय पंथीयांनी बच्‍चू कडू यांच्‍या प्रतिमेस जोडे मारून आंदोलन केले. (Breaking Marathi News)

बच्चू कडू यांनी 23 ऑक्टोबर रोजी पत्रकारांशी बोलताना राणा (Ravi Rana) यांच्या बद्दल हिजडा या शब्दाचा शब्दप्रयोग केला. यामुळे तृतीयपंथीयांच्या भावना दुखावल्याचा आरोप या सर्व तृतीय पंथीयांनी केला आहे. त्याचबरोबर राज्य सरकारने जर त्यांना मंत्रिपदावर घेतले. तर आम्ही राज्य सरकारचा देखील मुख्यमंत्री कार्यालयात बाहेर टाळी ठोकून आंदोलन करू असा इशारा थेट मुख्यमंत्र्यांना या सर्व तृतीय पंथीयांनी दिला आहे.

गुन्‍हा दाखल करण्याची मागणी

धुळ्यातील तृतीय पंथीयांनी वंचित बहुजन आघाडीच्या वतीने जिल्हाधिकारी कार्यालयाबाहेर बच्चू कडू यांच्या पोस्टरला जोडे मारून निषेध आंदोलन केले आहे. त्याचबरोबर जिल्हाधिकाऱ्यांना निवेदन देऊन या सर्व संतप्त तृतीयपंथीयांनी बच्चू कडू यांच्यावर कायदेशीर कारवाई करत गुन्हा नोंद करण्याची मागणी देखील केली आहे.