Dhule Temperature : धुळ्यात तापमानाचा पारा वाढलेलाच; तापमान ४२.५ अंशांवर

धुळे : मागील काही दिवसांपासून तापमानाचा पारा वाढतच आहे. यामुळे असह्य अशा उष्णतेच्या झळा जाणवत आहेत. मागील आठवड्यापासून धुळ्यात वाढलेले तापमान आज देखील कायम राहिले असून धुळ्यात आज ४२.५ अंश सेल्सिअस इतक्या तापमानाची नोंद झाली आहे. 

धुळ्यात (Dhule) उष्णतेची लाट अद्यापही कायम आहे. गेल्या काही दिवसांपासून सातत्याने ४२ अंशांपेक्षा जास्त तापमानाची नोंद धुळ्यात केली जात आहे. या वाढत्या तापमानामुळे उष्णतेच्या झळा अधिक तीव्र झाल्याचा अनुभव धुळेकरांना मागील काही दिवसांपासून येत आहे. या वाढत्या तापमानाचा परिणाम नागरिकांच्या आरोग्यावर होत असून तापमान (Temperature) वाढीमुळे काही जणांना उष्मघाताचा देखील त्रास झाल्याचे पाहण्यास मिळाले. 

तापमान कायम 

आठवडाभरापासून स्थिर असलेले तापमान आज देखील कायम राहिले. धुळ्यात आज ४२.५ अंश सेल्सिअस इतक्या तापमानाची नोंद करण्यात आली आहे. गेल्या दोन आठवड्यांपासून हा तापमानाचा पारा अशाच प्रकारे कायम असल्याचे दिसून येत आहे. दरम्यान आज रविवार असल्याने शहरातील सर्वच रस्त्यांवर शुकशुकाट पाहण्यास मिळाला.