Shubhangi Patil News: उमेदवारी दाखल केल्‍यानंतर शुभांगी पाटील यांचे धुळ्यात स्‍वागत

धुळे : नाशिक पदवीधर मतदार संघाच्या उद्धव ठाकरे शिवसेना गटाच्या पुरस्कृत उमेदवार शुभांगी पाटील यांनी उमेदवारी अर्ज दाखल केला. यानंतर त्‍या धुळे (Dhule) येथे आल्‍यानंतर त्‍यांचे धुळ्यात कार्यकर्त्यांतर्फे जंगी स्वागत करण्यात आले. (Tajya Batmya)

नाशिक पदवीधर मतदार संघाच्या उद्धव ठाकरे शिवसेना गटाच्या पुरस्कृत उमेदवार शुभांगी पाटील यांचे धुळ्यात कार्यकर्त्यांतर्फे जंगी स्वागत करण्यात आले. फटाक्यांची आतीशबाजी त्याचबरोबर ढोल ताशांच्या गजरात शुभांगी पाटील यांच स्वागत करण्यात आले आहे. त्याचबरोबर शुभांगी पाटील यांना पत्रकारांनी विचारणा केल्यानंतर महाविकास आघाडीच्या तीनही पक्षांतर्फे मला पाठिंबा दिला जाणार असल्‍याचे त्‍यांनी सांगितले.

तांबेवर साधला निशाणा

या संदर्भात नाना पटोले त्याचबरोबर अजित पवार यांची लवकरच भेट घेऊन त्यांच्याशी या संदर्भात चर्चा करणार असल्याचे त्यांनी स्पष्ट केले आहे. त्याचबरोबर घराणेशाहीचा व पैशांचा विजय होऊ देणार नाही; असे म्हणत शुभांगी पाटील यांनी भाजप पुरस्कृत उमेदवार सत्यजित तांबे यांच्यावर चांगलाच निशाणा साधला आहे.