पक्षप्रमुख उद्धव ठाकरेंच्या आदेशानंतर स्टॅम्प पेपर नोंदणी अभियानाला सुरुवात

धुळे : शिवसेना पक्षप्रमुख तथा माजी मुख्यमंत्री उद्धव ठाकरे यांनी गेल्या काही दिवसांमध्ये झालेल्या आमदारांच्या बंडखोरी केली. यानंतर खबरदारीचा उपाय म्हणून शिवसैनिकांतर्फे आपण उद्धव ठाकरे (Uddhav Thackeray) गटातील शिवसैनिक असल्याबाबत शंभर रुपयांच्या स्टॅम्प पेपरवर नोंदणी करून घेण्याचे आदेश राज्यातील शिवसेनेच्या (Shiv Sena) पदाधिकाऱ्यांना देण्यात आले होते. या अनुषंगाने मोहिमेला धुळ्यात सुरुवात करण्यात आली आहे. (Dhule News Shiv Sena)

धुळे (Dhule) जिल्ह्यातील शिवसेना कार्यालयामध्ये स्टॅम्प पेपर शिवसेनेच्या कार्यकर्त्यांकडून भरून घेतले जात असून अद्याप जवळपास दीड हजार स्टॅम्प पेपर्स धुळे जिल्ह्यातील शिवसैनिकांतर्फे भरून घेण्यात आले आहेत. अजून काही दिवस ही मोहीम अशाच पद्धतीने सुरू ठेवत जवळपास 3 हजाराहून अधिकचे स्टॅम्प पेपर भरून घेण्याचे लक्ष धुळे जिल्हा शिवसेनेच्यावतीने ठेवण्यात आले असल्याचे शिवसेनेच्या पदाधिकाऱ्यांनी स्पष्ट केले आहे.