Dhule News : बनावट दारूचा साठा जप्त; स्थानिक गुन्हे शाखेची कारवाई

धुळे : धुळे शहरातील चाळीसगाव रोड परिसरात असलेल्या जामचा मळा येथून छोटा हत्ती या वाहनामधून (Dhule) बनावट दारूचा मोठ्या प्रमाणात साठा जप्त केला आहे. ही कारवाई धुळ्याच्या स्थानिक गुन्हे शाखेच्या (LCB) पथकाने केली. (Breaking Marathi News)

गुप्त माहिती दारामार्फत मिळालेल्या माहितीच्या आधारे स्थानिक गुन्हे शाखेच्या पथकाने (Dhule LCB) जामचा मळा परिसरातील स्टार गॅरेज येथे उभ्या असलेल्या वाहनाची तपासणी केली. या ठिकाणी चोरट्या पद्धतीने वाहनाच्या मागील बाजूस कप्पा करून त्यामध्ये मोठ्या प्रमाणात बनावट दारूच्या भरलेल्या बॉटल्स पोलिसांना (Police) आढळून आल्या आहेत. वाहन चालकासह हा संपूर्ण मुद्देमाल पोलिसांनी जप्त केला.  

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

अन्य संशयितांचा शोध सुरु 

या कारवाईत जवळपास तीन लाखांहून अधिकचा मुद्देमाल पोलिसांनी हस्तगत केला आहे, त्याचबरोबर वाहन चालकाला ताब्यात घेतल्यानंतर त्याने दिलेल्या माहिती दरम्यान काही संशयितांची नावे देखील समोर आले असून, या सर्व संशयितांचा पुढील शोध चाळीसगाव रोड पोलिसांसह स्थानिक गुन्हे शाखेच्या वतीने घेण्यात येत आहे.